മുംബൈ: എച്ച്ഡിഎഫ്സി ക്യാപിറ്റലുമായി സഹകരിച്ച് പ്രവർത്തിക്കുന്നതായി അറിയിച്ച് എൽഡെകോ ഗ്രൂപ്പിന്റെ സ്വകാര്യ ഉടമസ്ഥതയിലുള്ള കമ്പനിയായ എൽഡെകോ ഇൻസ്ട്രക്ചർ ആൻഡ് പ്രോപ്പർട്ടീസ് ലിമിറ്റഡ്. റസിഡൻഷ്യൽ പ്രോജക്ടുകൾക്കായി 350 കോടി രൂപയുടെ ഫണ്ട് രൂപീകരിക്കുന്നതിനാണ് ഈ സഹകരണം.
ഒന്നിലധികം നഗരങ്ങളിൽ റെസിഡൻഷ്യൽ പ്രോജക്ടുകൾ വികസിപ്പിക്കുന്നതിനുള്ള ഒരു പ്ലാറ്റ്ഫോം സൃഷ്ടിക്കുന്നതിനായി എച്ച്ഡിഎഫ്സി ക്യാപിറ്റൽ അഫോഡബിൾ റിയൽ എസ്റ്റേറ്റ് ഫണ്ട് 3 (എച്ച്-കെയർ 3) മായി സഹകരിച്ചതായി കമ്പനി ഒരു പ്രസ്താവനയിൽ പറഞ്ഞു. ഇതിന് കീഴിൽ ഡൽഹി എൻസിആർ, ഹിമാചൽ പ്രദേശ്, ഉത്തരാഖണ്ഡ് എന്നിവിടങ്ങളിലെ ടയർ 2 നഗരങ്ങളിൽ 175 കോടി രൂപയുടെ പ്രാരംഭ നിക്ഷേപം നടത്താനാണ് എൽഡെകോ പദ്ധതിയിടുന്നത്.
കഴിഞ്ഞ വർഷം എച്ച്ഡിഎഫ്സി ക്യാപിറ്റൽ നിയന്ത്രിക്കുന്ന മറ്റൊരു ഫണ്ടായ എച്ച്-കെയർ 1 മായി സഹകരിച്ച് എൽഡെകോ ഗ്രൂപ്പ് 150 കോടി രൂപയുടെ പ്ലാറ്റ്ഫോം രൂപീകരിച്ചിരുന്നു. ഈ പ്ലാറ്റ്‌ഫോമിന് കീഴിലുള്ള ആദ്യത്തെ പ്രോജക്റ്റായ എൽഡെകോ പാരഡിസോ 2022 മാർച്ചിൽ പ്രവർത്തനം ആരംഭിച്ചു.
