മുംബൈ: ഉത്സവ സീസണിലും തുടർന്നുള്ള ആഴ്ചകളിലും പ്രാഥമിക പബ്ലിക് ഓഫറിംഗുകളിലൂടെ (ഐപിഒ) ഫണ്ട് സ്വരൂപിക്കാൻ നിരവധി കമ്പനികൾ തയ്യാറെടുക്കുകയാണ്.
നവംബർ 10ന് ആരംഭിക്കുന്ന ദീപാവലി ആഘോഷങ്ങൾക്ക് മുന്നോടിയായി, ഒക്ടോബർ 31-നും ഒക്ടോബർ 30-നും ഹോനാസ കൺസ്യൂമർ (മാമാ ഏർത് ), സെല്ലോ വേൾഡ് എന്നിവ സബ്സ്ക്രിപ്ഷനായി തുറക്കും. റിപ്പോർട്ടുകൾ പ്രകാരം, ഫ്ലെയർ റൈറ്റിംഗ് ഇൻഡസ്ട്രീസ്, ഇ എസ് എ എഫ് സ്മോൾ ഫിനാൻസ് ബാങ്ക്, പ്രോട്ടീൻ ഇ-ഗവ് ടെക്നോളജീസ്, ASK ഓട്ടോമോട്ടീവ് എന്നിവയെല്ലാം പൊതു ലിസ്റ്റിംഗുകളുടെ അവസാന ഘട്ടത്തിലാണ്.
ഒക്ടോബർ അവസാന വാരത്തിലോ നവംബർ ആദ്യവാരത്തിലോ ഫ്ലെയർ റൈറ്റിംഗ് ഇൻഡസ്ട്രീസ് വിപണിയിലെത്താൻ സാധ്യതയുണ്ടെന്ന് റിപ്പോർട്ടുകൾ സൂചിപ്പിക്കുന്നു. Protean e-Gov Technologies, Ask Automotive എന്നിവയുടെ ഐപിഒകൾ നവംബർ 6നും 10നും ഇടയിൽ സബ്സ്ക്രിപ്ഷനായി തുറക്കുമെന്ന് പ്രതീക്ഷിക്കുന്നു.
ബ്ലൂ ജെറ്റ് ഹെൽത്ത്കെയർ ഇതിനകം തന്നെ 840.27 കോടി രൂപയുടെ ഇഷ്യൂ സൈസ് ഉള്ള ഐപിഒ അരങ്ങേറ്റം നടത്തി, ഹോനാസ കൺസ്യൂമറിന്റെ ഐപിഒ സബ്സ്ക്രിപ്ഷൻ നവംബർ 2ന് അവസാനിക്കും.
ഏറെ പ്രതീക്ഷയോടെ കാത്തിരിക്കുന്ന ഐപിഒകളിലൊന്നായ ടാറ്റ ടെക്നോളജീസ്, ദീപാവലിക്ക് ശേഷമുള്ള നവംബർ അവസാന വാരത്തിൽ സബ്സ്ക്രിപ്ഷനായി തുറക്കുമെന്ന് പ്രതീക്ഷിക്കുന്നു.
മൈക്രോഫിനാൻസ് സ്ഥാപനങ്ങൾ ഉൾപ്പെടെ നിരവധി കമ്പനികൾ ദീപാവലിക്ക് ശേഷമുള്ള ഐപിഒകൾക്കായി അണിനിരക്കുന്നു.
ഫെഡ്ഫിന (ഫെഡ്ബാങ്ക് ഫിനാൻഷ്യൽ സർവീസസ്), ജന സ്മോൾ ഫിനാൻസ് ബാങ്ക്, ഫിൻകെയർ സ്മോൾ ഫിനാൻസ് ബാങ്ക്, ഡോംസ് ഇൻഡസ്ട്രീസ്, വെസ്റ്റേൺ കാരിയേഴ്സ്, ദി പാർക്ക് ഹോട്ടലുകൾ എന്നിവ നവംബറിലോ ഡിസംബറിലോ തങ്ങളുടെ പൊതു അരങ്ങേറ്റം കുറിക്കാൻ ഒരുങ്ങുകയാണ്.
