ഡൽഹി: പേയ്മെന്റ് തർക്കത്തിൽ റോയൽ എൻഫീൽഡിന്റെ നിർമ്മാതാക്കളായ ഐഷർ മോട്ടോഴ്സിനെതിരെ ഡിഎച്ച്എൽ നാഷണൽ കമ്പനി ലോ ട്രൈബ്യൂണലിൽ (എൻസിഎൽടി) കേസ് ഫയൽ ചെയ്തതായി അടുത്ത വൃത്തങ്ങൾ അറിയിച്ചു. 2020-21 സാമ്പത്തിക വർഷത്തിൽ ഐഷർ മോട്ടോഴ്സിന് നൽകിയ വെയർഹൗസിംഗ് മൂന്നാം കക്ഷി ലോജിസ്റ്റിക് സേവനങ്ങൾ എന്നിവയുമായി ബന്ധപ്പെട്ട് ഏകദേശം 10 കോടി രൂപയുടെ ഇൻവോയ്സുകൾ അടച്ചിട്ടില്ലെന്ന് ഡിഎച്ച്എൽ അവകാശപ്പെട്ടു. കൂടാതെ, വാഹന നിർമ്മാതാക്കൾക്കെതിരെ പാപ്പരത്ത നടപടികൾ ആരംഭിക്കണമെന്ന് ഡിഎച്ച്എൽ ആവശ്യപ്പെട്ടു.
എൻസിഎൽടി ഈ കേസ് അടുത്തയാഴ്ച പരിഗണിക്കും. എന്നാൽ ഈ റിപ്പോർട്ടുകളോട് ഡിഎച്ച്എൽ പ്രതികരിച്ചില്ല. അതേസമയം, തങ്ങൾക്ക് എൻസിഎൽടിയിൽ നിന്ന് ഒരു ആശയവിനിമയവും ലഭിച്ചിട്ടില്ലെന്നും, അതിനാൽ ഈ വിഷയത്തിൽ അഭിപ്രായം പറയാൻ കഴിയില്ലെന്നും ഐഷർ മോട്ടോഴ്സ് പറഞ്ഞു. പാപ്പരത്വ നിയമം ഒരു കമ്പനിക്ക് ചരക്കുകളും സേവനങ്ങളും നൽകുന്നതുപോലുള്ള കടക്കാരെ പ്രവർത്തന കടക്കാരായി തരംതിരിക്കുന്നു. ഐഷർ മോട്ടോഴ്സിന്റെ ഓഹരികൾ 2.59 ശതമാനത്തിന്റെ മികച്ച നേട്ടത്തിൽ 3,160.55 രൂപയിലെത്തി.
