ന്യൂഡൽഹി: രാജ്യത്താദ്യമായി ഡീസൽ കാർ വിൽപനയെ പിന്തള്ളി സിഎൻജി കാറുകൾ.
2024–25 സാമ്പത്തിക വർഷത്തിൽ രാജ്യത്താകമാനം 787,724 സിഎൻജി കാറുകൾ വിറ്റപ്പോൾ 736,508 ഡീസൽ കാറുകൾ മാത്രമാണ് വിറ്റഴിഞ്ഞത്.
കൂടാതെ പാസഞ്ചർ വാഹന വിപണിയിൽ സിഎൻജി വാഹനങ്ങളുടെ സാന്നിധ്യം 20% ആയി ഉയർന്നു. കഴിഞ്ഞ വർഷമിത് 15 ശതമാനമായിരുന്നു.
ചെലവ് കുറഞ്ഞതും ഉപയോഗക്ഷമത കൂടിയതുമായ ഇന്ധനങ്ങളിലേക്കുള്ള ആളുകളുടെ മാറ്റവും ചില കമ്പനികൾ ഡീസൽ കാറുകളുടെ ഉൽപാദനം നിർത്തിയതുമാണു വിൽപന കുറയാൻ കാരണം.
