കൊച്ചി: ഉത്പാദനചെലവിലെ വർദ്ധന കണക്കിലെടുത്ത് രാജ്യത്തെ മുൻനിര കമ്പനികൾ സിമന്റ് വില വീണ്ടും വർദ്ധിപ്പിച്ചു. അൾട്രാടെക്ക്, അംബുജ സിമന്റ്സ്, എ.സി.സി, ശ്രീ സിമന്റ്സ്, ഡാൽമിയ എന്നീ കമ്പനികൾ സിമന്റ് വില ചാക്കിന് ഇരുപത് രൂപ വരെയാണ് വർദ്ധിപ്പിച്ചത്. ഹോളി ആഘോഷങ്ങളോടനുബന്ധിച്ച് തൊഴിലാളി ക്ഷാമം രൂക്ഷമായതും പൊതുതിരഞ്ഞെടുപ്പും മൂലം നിർമ്മാണ മേഖല മന്ദഗതിയിലേക്ക് നീങ്ങുമ്പോൾ സിമന്റ് വില വർദ്ധന വലിയ തിരിച്ചടിയാകുമെന്ന് റിയൽ എസ്റ്റേറ്റ് രംഗത്തുള്ളവർ പറയുന്നു.
