കേന്ദ്ര ബജറ്റിൽ ധനമന്ത്രി നികുതി ഇളവ് പരിഗണിച്ചേക്കുമെന്ന് റിപ്പോർട്ട്ഇന്ത്യ മൂന്നാമത്തെ വലിയ ആഭ്യന്തര എയര്‍ലൈന്‍ വിപണിബജറ്റിൽ ഇടത്തരക്കാർക്ക് ആശ്വാസത്തിൻ്റെ സൂചനകൾകൊല്ലം തീരത്തെ ഇന്ധന പര്യവേക്ഷണം ഡ്രില്ലിങ് ഘട്ടത്തിലേക്ക്വ​ധ​വ​നി​ൽ പുതിയ തുറമുഖത്തിന് കേന്ദ്രമന്ത്രിസഭയുടെ അംഗീകാരം

ബിപിസിഎല്ലിന്റെ ത്രൈമാസ അറ്റാദായത്തിൽ 82 ശതമാനം ഇടിവ്

ന്യൂഡൽഹി: ഭാരത് പെട്രോളിയം കോർപ്പറേഷൻ ലിമിറ്റഡിന്റെ (ബിപിസിഎൽ) മാർച്ചിൽ അവസാനിച്ച പാദത്തിലെ അറ്റാദായം 82.16 ശതമാനം കുറഞ്ഞ് 2,130.53 കോടി രൂപയായി. കഴിഞ്ഞ വർഷം ഇതേ പാദത്തിൽ കമ്പനിയുടെ അറ്റാദായം 11,948.32 കോടി രൂപയായിരുന്നു. അതേസമയം, ബിപിസിഎല്ലിന്റെ പ്രവർത്തനങ്ങളിൽ നിന്നുള്ള വരുമാനം മുൻ വർഷം ഇതേ പാദത്തിലെ 98,763.80 കോടി രൂപയിൽ നിന്ന് 25.09 ശതമാനം വർധിച്ച് 1,23,550.93 കോടിയായി. കോർപ്പറേഷന്റെ ശരാശരി ഗ്രോസ് റിഫൈനിംഗ് മാർജിൻ (GRM) 2022 മാർച്ചിൽ അവസാനിച്ച വർഷത്തിൽ ബാരലിന് 9.09 ഡോളർ ആയിരുന്നു. ഈ പാദത്തിൽ കമ്പനിയുടെ വിപണി വിൽപ്പന 11.82 MMT ആയിരുന്നപ്പോൾ, കയറ്റുമതി വിൽപ്പന 0.78 MMT ആയിരുന്നു.
2021 മാർച്ച് 31ന് അവസാനിച്ച വർഷത്തിലെ 38.74 എംഎംടിയുമായി താരതമ്യം ചെയ്യുമ്പോൾ 2022 മാർച്ചിൽ അവസാനിച്ച വർഷത്തിലെ മാർക്കറ്റ് വിൽപ്പന 42.51 എംഎംടിയാണെന്ന് കമ്പനി പറഞ്ഞു. കമ്പനിയുടെ ബോർഡ് ഓഹരി ഉടമകളുടെ അംഗീകാരത്തിന് വിധേയമായി ഒരു ഓഹരിക്ക് 6 രൂപ അന്തിമ ലാഭവിഹിതം ശുപാർശ ചെയ്തു.

X
Top