വാഷിംഗ്ടൺ: ചന്ദ്രനിൽ സുരക്ഷിതമായി ഇറങ്ങുന്ന രണ്ടാമത്തെ സ്വകാര്യ ലാന്ഡറായി അമേരിക്കന് കമ്പനി ഫയര്ഫ്ലൈ എയറോസ്പേസിന്റെ ബ്ലൂ ഗോസ്റ്റ് ലാൻഡര്. ലാന്ഡിംഗ് സമ്പൂര്ണ വിജയമാക്കുന്ന ആദ്യത്തെ സ്വകാര്യ ലാന്ഡറും ബ്ലൂ ഗോസ്റ്റ് ലാൻഡറാണ്.
ഫയര്ഫ്ലൈ എയ്റോസ്പേസ് കമ്പനിയാണ് ബ്ലൂ ഗോസ്റ്റ് ലൂണാര് ലാന്ഡറിന്റെ നിര്മ്മാ താക്കള്. ബ്ലൂ ഗോസ്റ്റ് ചന്ദ്രനെ തുരന്ന് സാംപിള് എടുക്കുകയും ഭൂമിയുടെ കാന്തികമണ്ഡലത്തിന്റെ എക്സ്റേ ചിത്രം പകര്ത്തുകയും ചെയ്യും. 63 മിനുട്ട് നീണ്ട് നിൽക്കുന്നതായിരുന്നു ഇതിന്റെ ലാൻഡിംഗ് പ്രക്രിയ.
അതേസമയം പേടകം ഇറങ്ങിയത് ആർതർ സി ക്ലാർക്കിന്റെ വിഖ്യാത സയൻസ് ഫിക്ഷൻ കഥ ദി സെന്റിനലിലൂടെ പ്രസിദ്ധമായ മേർ ക്രിസിയം ഗർത്തത്തിലാണ്.
നാസയുടെ സഹകരണത്തോടെ സ്വകാര്യ ബഹിരാകാശ വിക്ഷേപണ കമ്പനിയായ സ്പേസ് എക്സ് വിക്ഷേപിച്ച ഇരട്ട ചാന്ദ്ര പര്യവേഷണ ആളില്ലാ പേടകങ്ങളിലൊന്നാണ് ബ്ലൂ ഗോസ്റ്റ്. 45 ദിവസം സമയമെടുത്താണ് ബ്ലൂ ഗോസ്റ്റ് ചന്ദ്രനില് ഇറങ്ങിയത്.
