ജമ്മു & കശ്മീരിലെ ലിഥിയം ഖനനത്തിനുള്ള ലേലത്തിൽ ഒരു കമ്പനി പോലും പങ്കെടുത്തില്ലരാജ്യത്തെ 83 ശതമാനം യുവാക്കളും തൊഴില് രഹിതരെന്ന് റിപ്പോര്ട്ട്ഇന്ത്യയുടെ കറന്റ് അക്കൗണ്ട് കമ്മി കുറയുന്നുവെനസ്വേലയിൽ നിന്ന് ക്രൂഡ് ഓയിൽ വാങ്ങുന്നത് നിർത്തി ഇന്ത്യകിൻഫ്ര പെട്രോകെമിക്കൽ പാർക്കിൽ ഇതുവരെ 227.77 കോടിയുടെ നിക്ഷേപം

ഡീമാറ്റ് അക്കൗണ്ട്: അവകാശിയുടെ പേരു സെപ്‌റ്റംബർ 30 വരെ നിർദേശിക്കാം

കൊച്ചി: ഓഹരി നിക്ഷേപകർക്കു ഡീമാറ്റ് അക്കൗണ്ടിൽ അവകാശിയുടെ പേരു നിർദേശിക്കാൻ സെപ്‌റ്റംബർ 30 വരെ അവസരം.

മ്യൂച്വൽ ഫണ്ടുകളുടെ വിവിധ നിക്ഷേപ പദ്ധതികളിൽ അംഗങ്ങളായിട്ടുള്ളവർക്കും നോമിനിയെ നിർദേശിക്കാനുള്ള അവസാന തീയതി സെപ്‌റ്റംബർ 30 വരെ നീട്ടിയതായി സെക്യൂരിറ്റീസ് ആൻഡ് എക്‌സ്‌ചേഞ്ച് ബോർഡ് ഓഫ് ഇന്ത്യ (സെബി) അറിയിച്ചു.

ഇരു കൂട്ടർക്കും അവകാശിയെ നിർദേശിക്കാനുള്ള അവസരം ഇന്നലെ അവസാനിക്കുമെന്നാണു സെബി പ്രഖ്യാപിച്ചിരുന്നത്.

അവകാശിയെ നിർദേശിക്കാൻ മാത്രമല്ല നിലവിലെ നോമിനിക്കു പകരം മറ്റൊരാളെ നിർദേശിക്കാനും ഈ കാലയളവിൽ അവസരമുണ്ടാകും. നാമനിർദേശ വ്യവസ്‌ഥ പാലിക്കാത്തവർക്ക് അവസാന തീയതിക്കു ശേഷം ഓഹരികളുടെയോ മ്യൂച്വൽ ഫണ്ട് യൂണിറ്റുകളുടെയോ ക്രയവിക്രയത്തിന് അനുമതിയുണ്ടാവില്ല.

മരണമടഞ്ഞ അനേകം പേരുടെ അക്കൗണ്ടുകളിലായി കോടിക്കണക്കിനു രൂപയുടെ ഓഹരി, മ്യൂച്വൽ ഫണ്ട് നിക്ഷേപമാണ് അവകാശികളാരെന്ന് അറിയിച്ചിട്ടില്ലാത്തതുമൂലം കെട്ടിക്കിടക്കുന്നത്.

X
Top