ന്യൂഡല്ഹി: വരാനിരിക്കുന്ന ഉഭയകക്ഷി പരമ്പരകളുടെ പ്രക്ഷേപണ, ഡിജിറ്റല് അവകാശങ്ങള് ബിസിസിഐ ( ഇന്ത്യന് ക്രിക്കറ്റ് കണ്ട്രോണ് ബോര്ഡ്) ഉടന് ലേലത്തില് വയ്ക്കും. ജൂലൈയില് നടക്കുന്ന ലേലത്തില് ഡിസ്നി സ്റ്റാര്, വയാകോം 18, സോണി-സീ സഖ്യം മത്സരിക്കുമെന്ന് കരുതുന്നു. 5 വര്ഷത്തേയ്ക്കുള്ള പ്രക്ഷേപണത്തിന്റെ മൂല്യം 2 ബില്യണ് ഡോളറാകും.
ടിവി, ഡിജിറ്റല് അവകാശങ്ങള്ക്ക് പ്രത്യേകം ലേലം നടത്തും. ഇതിനായുള്ള ക്രമീകരണങ്ങള് സജ്ജമാക്കി വരികയാണ്. ടിവി, ഡിജിറ്റല് അവകാശങ്ങള് വേര്പെടുത്തിയതിനെ തുടര്ന്ന് 2023-27 വര്ഷത്തേയ്ക്കുള്ള ഐപിഎല് അവകാശ മൂല്യം 48390 കോടി രൂപയായിരുന്നു.
നേരത്തെയുണ്ടായിരുന്നതിന്റെ മൂന്നിരട്ടിയാണിത്.
അഞ്ച് വര്ഷത്തെ (2018 നും 2023 നും ഇടയിലുള്ളത് ) ഐപിഎല് സംയോജിത മീഡിയ അവകാശങ്ങള്ക്കായി ഡിസ്നി സ്റ്റാര് 16,147 കോടി രൂപ നല്കി. ഉഭയകക്ഷി അവകാശങ്ങള്ക്കായുള്ള കരാര് മാര്ച്ചില് അവസാനിച്ചു.
ഐപിഎല് ലേലം വഴി 6 ബില്യണ് ഡോളര് സമാഹരിക്കാന് ബിസിസിഐയ്ക്കായിരുന്നു. നിലവില് ലോകത്തിലെ ഏറ്റവും ധനികരായ ഭരണസമിതിയാണ് അവര്.
