ന്യൂഡല്ഹി: മികച്ച മൂന്നാം പാദ പ്രവര്ത്തനഫലം പ്രഖ്യാപിച്ചിരിക്കയാണ് ബാങ്ക് ഓഫ് ബറോഡ. 3852.74 കോടി രൂപയാണ് കമ്പനി രേഖപ്പെടുത്തിയ അറ്റാദായം. മുന്വര്ഷത്തെ സമാന പാദത്തെ അപേക്ഷിച്ച് 75 ശതമാനം അധികമാണ് ഇത്.
മൊത്തം നികുതി വരുമാനം 23540.14 കോടി രൂപ. അറ്റ നികുതി വരുമാനം 26.5 ശതമാനം ഉയര്ന്ന് 10,818 കോടി രൂപയായി. 19.7 ശതമാനത്തിന്റെ വായ്പാ വളര്ച്ചയാണ് നികുതി വരുമാനം ഉയര്ത്തിയത്.
അറ്റ പലിശ മാര്ജിന് 24 ബേസിസ് മെച്ചപ്പെട്ട് 3.37 ശതമാനമായി.പ്രൊവിഷന്സ് 4 ശതമാനം താഴ്ന്ന് 2403.93 കോടി രൂപ.അറ്റ പലിശ വരുമാന വളര്ച്ചയും പ്രൊവിഷനും പ്രവര്ത്തനലാഭത്തെ 8232.19 കോടി രൂപയിലെത്തിച്ചു.
മുന്വര്ഷത്തെ സമാന പാദത്തെ അപേക്ഷിച്ച് 50 ശതമാനം വര്ധന. ആസ്തി ഗുണമേന്മയില് മികച്ച നേട്ടമാണുണ്ടായിരിക്കുന്നത്.മൊത്തം കിട്ടാകട അനുപാതം 7.25 ശതമാനത്തില് നിന്നും 4.53 ശതമാനമായി കുറഞ്ഞപ്പോള് ഔട്ട്സ്റ്റാന്റിംഗ് കിട്ടാകടം 25 ശതമാനം ചുരുങ്ങി41,857.50 കോടി രൂപയായി.
സ്ലിപ്പേജ് അനുപാതം 1.05 ശതമാനത്തിലേയ്ക്ക് കുറഞ്ഞു. പുതിയ സ്ലിപ്പേജ് 3479 കോടി രൂപയില് നിന്നും 2172 കോടി രൂപയായാണ് താഴ്ന്നത്. അതേസമയം എഴുതിതള്ളല് 4725 കോടി രൂപയായി ഉയര്ന്നു.
