ന്യൂഡല്ഹി: കഴിഞ്ഞ രണ്ടാഴ്ചയായി അപ്ട്രെന്ഡിലുള്ള ഓഹരിയാണ് ടൈറ്റന്റേത്. 2310 രൂപയില് നിന്നും 2535 രൂപയിലേയ്ക്കായിരുന്നു കുതിപ്പ്. ഇതോടെ പ്രമുഖ നിക്ഷേപകയായ രേഖ ജുന്ജുന്വാലയുടെ ആസ്തിയില് 1000 കോടി രൂപയുടെ വര്ധനവുണ്ടായി.
രേഖ ജുന്ജുന്വാലയുടെ ആസ്തി വര്ദ്ധനവ്
ഡിസംബര് വരെയുള്ള ത്രൈമാസ ഷെയര്ഹോള്ഡിംഗ് ഡാറ്റ പ്രകാരം, ടൈറ്റന് കമ്പനി ലിമിറ്റഡിന്റെ 5.17 ശതമാനം അഥവാ 4,58,95,970 ഷെയറുകളാണ് രേഖ ജുന്ജുന്വാല കൈവശം വച്ചിരിക്കുന്നത്. കഴിഞ്ഞ രണ്ടാഴ്ചയില് ഓഹരി 2,310 രൂപയില് നിന്നും
2535 രൂപയിലേയ്ക്ക് ഉയര്ന്നു. 225 രൂപയുടെ നേട്ടം.
ഇതോടെ രേഖ ജുന്ജുന്വാലയുടെ ആസ്തി 10,32,65,93,250 ആയി വര്ധിച്ചു. 1000 കോടി രൂപയുടെ നേട്ടം.മൂന്നാം പാദത്തില് പ്രതീക്ഷയ്ക്കൊത്ത പ്രകടനം നടത്താന് ടൈറ്റന് കമ്പനിയ്ക്കായിരുന്നില്ല.
904 കോടി രൂപയാണ് രേഖപ്പെടുത്തിയ അറ്റാദായം. മുന് വര്ഷത്തെ സമാന പാദത്തെ അപേക്ഷിച്ച് 9.96 ശതമാനം കുറവാണിത്.വരുമാനം 15.89 ശതമാനം വര്ദ്ധിച്ച് 11698 കോടി രൂപയിലെത്തി.
985 കോടി രൂപയുടെ ലാഭവും 10,656 കോടി രൂപയുടെ വരുമാനവുമാണ് പ്രതീക്ഷിക്കപ്പെട്ടിരുന്നത്. ഇബിറ്റ 1236 കോടി രൂപയും മാര്ജിന് 13 ശതമാനവുമാണ്.
