കൊച്ചി: സമകാലിക വിഷയങ്ങള്‍ അവതരിപ്പിക്കുക വഴി പ്രശസ്തമാണ് ഡയറി ബ്രാന്‍ഡായ അമുലിന്റെ പരസ്യങ്ങള്‍. ഞായറാഴ്ച അന്തരിച്ച നിക്ഷേപകന്‍ രാകേഷ് ജുന്‍ജുന്‍വാലയാണ് ഇത്തവണ അവരുടെ പരസ്യത്തില്‍ പ്രത്യക്ഷപ്പെട്ടിരിക്കുന്നത്. ഇന്ത്യയുടെ വാറന്‍ ബഫറ്റ് എന്നറിയപ്പെടുന്ന ബിഗ് ബുള്‍ ജുന്‍ജുന്‍വാലയ്ക്ക് പരസ്യത്തിലൂടെ ഹൃദയംഗമമായ ആദരാഞ്ജലി അര്‍പ്പിക്കുകയായിരുന്നു കമ്പനി. ഞായറാഴ്ചയാണ് നിക്ഷേപകനായ ജുന്‍ജുന്‍വാല മരണത്തിന് കീഴടങ്ങിയത്. കിഡ്‌നി സംബന്ധമായ അസുഖത്തെ തുടര്‍ന്ന് നാളുകളായി വിശ്രമത്തിലായിരുന്നു അദ്ദേഹം.
