ഡൽഹി: ചൈനീസ് കമ്പനിയായ ആലിബാബയും അതിന്റെ അനുബന്ധ സ്ഥാപനമായ ആന്റ്ഫിനും പേടിഎം മാളിലെ തങ്ങളുടെ മുഴുവൻ ഓഹരികളും 42 കോടി രൂപയ്ക്ക് വിറ്റതായി റെഗുലേറ്ററി ഫയലിംഗിൽ പറയുന്നു. ഈ ഇടപാടോടെ പേടിഎം മാളിന്റെ മൂല്യം ഏകദേശം 103 കോടി രൂപയായി. ഇതോടെ, ആലിബാബയുടെ 28.34 ശതമാനം ഓഹരികളും ആന്റ്ഫിൻ (നെതർലാൻഡ്‌സ്) കൈവശം വച്ചിരിക്കുന്ന 14.98 ശതമാനം ഓഹരികളും പേടിഎം മാളിന്റെ മാതൃസ്ഥാപനമായ പേടിഎം ഇ-കൊമേഴ്‌സ് വാങ്ങി.
ആലിബാബ, ആൻറ് ഫിനാൻഷ്യൽ, സോഫ്റബാങ്ക് എന്നിവയുൾപ്പെടെ നിരവധി നിക്ഷേപകരിൽ നിന്ന് പേടിഎം മാൾ ഏകദേശം 800 ദശലക്ഷം ഡോളർ സമാഹരിച്ചിരുന്നു. എന്നാൽ ഈ ഇടപാടിനെക്കുറിച്ച് പ്രതികരിക്കാൻ പേടിഎം മാൾ തയ്യാറായില്ല.
