ന്യൂഡല്ഹി: എയർടെല്ലിന്റെ 4 ജി, 5 ജി.എൻ.എസ്.എ, 5 ജി.എസ്.എ, ഫിക്സഡ് വയർലെസ് ശൃംഖലകളെ കേന്ദ്രീകൃത നെറ്റ്വർക്ക് ഓപ്പറേഷൻ സെന്റർ വഴി എറിക്സണ് കൂടുതല് ശക്തിപ്പെടുത്തും.
ഇതിനായുള്ള ദീർഘകാല കരാറില് എയർടെല്ലും എറിക്സണും ഒപ്പുവച്ചു.
പുതിയ സാങ്കേതിക വിദ്യ വരിക്കാരുടെ വർധിച്ചു വരുന്ന ഡാറ്റാ സംബന്ധമായ ആവശ്യങ്ങള് നിറവേറ്റാൻ എയർടെല്ലിന് സഹായകമാവുമെന്ന് ഭാരതി എയർടെല് ചീഫ് ടെക്നിക്കല് ഓഫീസർ രണ്ധീപ് സെക്കാൻ പറഞ്ഞു.
ഈ കരാർ സേവനങ്ങള് വൈവിദ്ധ്യവല്ക്കരിക്കുന്നതിനും വരുമാനം വർദ്ധിപ്പിക്കുന്നതിനും എയർടെല്ലിന് സഹായകമാവുമെന്ന് എറിക്സണ് ദക്ഷിണ പൂർവേഷ്യ മാർക്കറ്റിംഗ് തലവൻ ആൻഡ്രൂസ് വിൻസെന്റ് അഭിപ്രായപ്പെട്ടു.
