വാഷിങ്ടണ്: കാനേഡിയന് ഉത്പന്നങ്ങള്ക്ക് മേല് 35 ശതമാനം ഇറക്കുമതി ചുങ്കം ചുമത്തി യുഎസ് പ്രസിഡന്റ് ഡൊണാള്ഡ് ട്രമ്പ്. തീരുവ ഓഗസ്റ്റ് 1 മുതല് പ്രാബല്യത്തില് വരും. കാനഡയുടെ റിട്ടാലിയേറ്ററി താരിഫിനുള്ള തിരിച്ചടിയാണ് ട്രമ്പിന്റെ പുതിയ തീരുമാനം.
‘അമേരിക്കയുമായി സഹകരിക്കുന്നതിനുപകരം, കാനഡ താരിഫുകള് ഏര്പ്പെടുത്തി പ്രതികാരം ചെയ്തു. 2025 ഓഗസ്റ്റ് 1 മുതല്, അമേരിക്കയിലേക്ക് അയയ്ക്കുന്ന കനേഡിയന് ഉല്പ്പന്നങ്ങള്ക്ക് ഞങ്ങള് 35% താരിഫ് ഈടാക്കും,’ട്രംപ് തന്റെ ട്രൂത്ത് സോഷ്യല് പ്ലാറ്റ്ഫോമില് കുറിച്ചു. കാനഡയുടെ ഭാഗത്തുനിന്നുള്ള ഏതൊരു പ്രതികാര നടപടികളുടേയും അനന്തര ഫലം കൂടുതല് താരിഫായിരിക്കുമെന്നും ഭീഷണിയുണ്ട്.
നിരന്തരമായി ആവശ്യപ്പെട്ടിട്ടും ഫെന്റനൈല് യുഎസിലേയ്ക്കെത്തുന്നത് തടയാന് കാനഡയ്ക്ക് സാധിച്ചില്ലെന്ന് ട്രമ്പ് പറഞ്ഞു. നമ്മുടെ രാജ്യത്തേക്ക് മയക്കുമരുന്ന് ഒഴുകുന്നത് തടയുന്നതില് കാനഡ പരാജയപ്പെട്ടതാണ് താരിഫ് ഏര്പ്പെടുത്തുന്നതിനുള്ള പ്രധാന കാരണം, ട്രമ്പ് കത്തില് പറയുന്നു.
