മുംബൈ: മെയ് 30 ന് നിഫ്റ്റി ഏകീകരണത്തിലായെന്ന് ഷെയര്ഖാന് ടെക്നിക്കല് റിസര്ച്ച് അനലിസ്റ്റ്, ജതിന് ഗെഡിയ പറയുന്നു. പിന്നീട് ഏകദേശം 35 പോയിന്റ് ഉയര്ന്ന് പോസിറ്റീവ് നോട്ടില് ക്ലോസ് ചെയ്തു. പ്രവണത ബുള്ളിഷാണ്.
” കുത്തനെയുള്ള മുന്നേറ്റത്തിന് ശേഷം, നിഫ്റ്റി ഏകീകരണത്തിന് സാക്ഷ്യം വഹിക്കുന്നത് ഒരു ബുള്ളിഷ് അടയാളമാണ്. റേഞ്ച്-ബൗണ്ട് പ്രൈസ് ആക്ഷന് സമയത്ത്, സൂചിക സ്വയം ഒരു അടിസ്ഥാനം തയ്യാറാക്കുകയും അപ്മൂവിന്റെ അടുത്ത ഘട്ടത്തിന് വേദിയൊരുക്കുകയും ചെയ്തു,” ഗെഡിയ ചൂണ്ടിക്കാട്ടി.
അതേസമയം, മണിക്കൂര് വീതമുള്ള മൊമെന്റം ഇന്ഡിക്കേറ്ററിന് നെഗറ്റീവ് ക്രോസ്ഓവറുള്ളത് ഏകീകരണം അവസാനിച്ചിട്ടില്ലെന്നതിന്റെ സൂചനയാണ്. അടുത്ത ദിവസങ്ങളില് റേഞ്ച്-ബൗണ്ട് മാര്ക്കറ്റ് തുടരും. ഉയര്ന്ന ഗ്യാപ് അപ്പിന് ശേഷം മൊമെന്റം ഇന്ഡിക്കേറ്ററിന്റെ പിന്തുണയില്ലാതെ ഉയര്ന്ന തലം നിലനിര്ത്താനാകില്ല.
എന്തായാലും സൂചിക വീണ്ടും ഉയുമെന്ന കാര്യത്തില് തര്ക്കമില്ല. ഏകീകരണം പുതിയ ലോംഗ് പൊസിഷനുകള് ആരംഭിക്കുന്നതിനുള്ള അവസരം നല്കും. 18705 – 18735 ലെവലില് ഉടനടി പ്രതിരോധം രൂപപ്പെടുമ്പോള് 18570 – 18500 ലായിരിക്കും പിന്തുണ.
