കൊച്ചി: ആഗോള സാമ്പത്തിക മേഖലയിലെ അനിശ്ചിതത്വങ്ങൾ ശക്തമായതോടെ വൻകിട വിദേശ നിക്ഷേപകർ ഇന്ത്യയിലെ കടപ്പത്ര വിപണിയിൽ വില്പന സമ്മർദ്ദം ശക്തമാക്കി.
ഏപ്രിൽ 20ന് അവസാനിച്ച ആഴ്ചയിൽ വിദേശത്തെ വൻകിട നിക്ഷേപ സ്ഥാപനങ്ങളും ഹെഡ്ജ് ഫണ്ടുകളും ഇന്ത്യയിലെ കടപ്പത്ര വിപണിയിൽ നിന്നും 12,800 കോടി രൂപയാണ് പിൻവലിച്ചത്.
യുഎസ് ബോണ്ടുകളുടെ വരുമാനത്തിലുണ്ടായ ഗണ്യമായ വർദ്ധനയാണ് നിക്ഷേപകരുടെ പിന്മാറ്റത്തിന് വേഗത പകർന്നത്.
