തൃശൂർ: സ്വർണം പോലെ പരിശുദ്ധി ഉറപ്പാക്കാൻ വെള്ളി ആഭരണങ്ങള്ക്കും ഒക്ടോബർ മുതല് ഹാള്മാർക്കിംഗ് നിർബന്ധമാക്കുന്നു. ബ്യൂറോ ഒഫ് ഇന്ത്യൻ സ്റ്റാൻഡേർഡ്സ് നടപടികളാരംഭിച്ചു. സ്വർണവില കൂടിയതോടെ വെള്ളി ആഭരണങ്ങള്ക്ക് പ്രിയമേറുന്നുണ്ട്. അതിനാല് ഹാള് മാർക്കിംഗ് നിർബന്ധമാക്കുന്നതോടെ ഉപയോക്താക്കള്ക്ക് പണത്തിനൊത്ത മൂല്യവും പരിശുദ്ധിയും ഉറപ്പാകും. വെള്ളിയില് മറ്റ് ലോഹങ്ങള് കൂടുതലായി ചേർത്ത് ആഭരണങ്ങളുണ്ടാക്കുമ്പോള് ഉപയോക്താക്കള്ക്കുണ്ടാകുന്ന നഷ്ടം ഇനിയില്ലാതാകും. സ്വർണ്ണപരിശുദ്ധി 916 എന്നാണെങ്കില് വെള്ളിയുടെ പരിശുദ്ധി 925 ആണ്.
