Alt Image
ആപ്പിള്‍ എയര്‍പോഡ്‌സിനുള്ള ഘടകങ്ങള്‍ ഇനി ഇന്ത്യയില്‍ നിന്നുംവിദേശ നാണ്യ ശേഖരം തുടര്‍ച്ചയായ രണ്ടാം ആഴ്ചയും ഉയര്‍ന്നു25 ബേസിസ് പോയിന്റ് നിരക്ക് വര്‍ധന പ്രതീക്ഷിച്ച് റോയിട്ടേഴ്‌സ് പോള്‍കേന്ദ്ര ഇടപെടൽ: ഗോതമ്പിന്റെ മൊത്തവില കുറയുന്നുകേന്ദ്ര ബഡ്‌ജറ്റ് 2023-24: ഇളവുകൾ ഉന്നമിട്ട് ആദായനികുതി

രാജ്യത്തെ ഏറ്റവും വലിയ എന്‍ബിഎഫ്‌സിയായി മാറി ശ്രീരാം ഫിനാന്‍സ്

ന്യൂഡല്‍ഹി: രാജ്യത്തെ ഏറ്റവും വലിയ എന്‍ബിഎഫ്‌സി (നോണ്‍ ബാങ്കിംഗ് ഫിനാന്‍സ് കമ്പനി) ആയി മാറിയിരിക്കയാണ് ശ്രീരാം ഫിനാന്‍സ് ലിമിറ്റഡ്. ഗ്രൂപ്പ്‌ സ്ഥാപനങ്ങളായ ശ്രീരാം ട്രാന്‍സ്‌പോര്‍ട്ട് ഫിനാന്‍സ് കമ്പനിയും ശ്രീരാം സിറ്റി യൂണിയന്‍ ഫിനാന്‍സും ലയിച്ചാണ് ശ്രീരാം ഫിനാന്‍സ് രൂപപ്പെട്ടത്.രാജ്യത്തെ ഏറ്റവും വലിയ വാണിജ്യ വാഹന സാമ്പത്തിക സഹായ സ്ഥാപനമാണ് ശ്രീരാം ട്രാന്‍സ്‌പോര്‍ട്ട് ഫിനാന്‍സ് സര്‍വീസസ്.

അതേസമയം ശ്രീരാം സിറ്റി യൂണിയന്‍ ഫിനാന്‍സാകട്ടെ ചെറുകിട, ഇടത്തരം സ്ഥാപനങ്ങള്‍ക്ക് വായ്പ നല്‍കുന്ന ദാതാക്കളില്‍ മുന്‍നിരക്കാരാണ്. 40,900 കോടി രൂപയുടെ ആസ്തിയും 1,71,000 കോടി രൂപ മാനേജ്മെന്റിന് കീഴിലുള്ള ആസ്തിയും (എയുഎം) ശ്രീരാം ഫിനാന്‍സിനുണ്ട്.മാത്രമല്ല, വൈവിദ്യമാര്‍ന്ന ഉത്പന്നങ്ങളാണ് മുഖമുദ്ര.

6.7 ദശലക്ഷം ഉപഭോക്താക്കളാണ് കമ്പനിയ്ക്കുള്ളത്. സ്വയം തൊഴില്‍ ചെയ്യുന്നവര്‍ക്കും എംഎസ്എഎഇ മേഖലയിലുള്ളവര്‍ക്കും അത്താണിയാവുക എന്നത് വളര്‍ച്ച തന്ത്രത്തിന്റെ ഭാഗമാകും.രാജ്യത്തെ ഏറ്റവും വലിയ റീട്ടെയില്‍ എന്‍ബിഎഫ്സി എന്ന നിലയില്‍, വാണിജ്യ വാഹനങ്ങള്‍, ഇരുചക്ര വാഹനങ്ങള്‍, ഓട്ടോമൊബൈല്‍, വീട്, സ്വര്‍ണ്ണ വായ്പകള്‍, വ്യക്തിഗത, ചെറുകിട ബിസിനസുകള്‍, ഇന്ത്യയിലുടനീളമുള്ള വലിയ സ്ഥിര നിക്ഷേപ ബിസിനസുകള്‍ എന്നിവയ്ക്ക് വായ്പകള്‍ നല്‍കാനും സാധിക്കും.

1.71 ട്രില്യണിലധികം ആസ്തി കൈകാര്യം ചെയ്യുന്ന കമ്പനിയ്ക്ക് 6.7 ദശലക്ഷത്തിലധികം ഉപഭോക്താക്കളാണുള്ളത്.2022 സെപ്റ്റംബര്‍ 30 വരെ, ഏകദേശം 3,600 സൈറ്റുകളിലായി ശാഖകളും ഗ്രാമീണ കേന്ദ്രങ്ങളും ഔട്ട്ലെറ്റുകളും ഉണ്ട്. 57,000-ലധികം ജീവനക്കാര്‍ ജോലി ചെയ്യുന്നു.

X
Top