ഹാഫ് കുക്ക്ഡ് പൊറോട്ടയ്ക്ക് 5% ജിഎസ്ടി മാത്രംആഭ്യന്തര ഫിനിഷ്ഡ് സ്റ്റീല്‍ ഉപഭോഗം 13% വര്‍ധിച്ച് 136 മെട്രിക്ക് ടണ്‍ ആയതായി റിപ്പോർട്ട്കേരളത്തിലെ ഏറ്റവും ഉയരം കൂടിയ ഐടി വ്യവസായ സമുച്ചയം കൊച്ചിയിൽകുതിപ്പിനൊടുവിൽ സ്വർണ്ണവിലയിൽ ഇന്ന് ഇടിവ്രാജ്യത്തെ വൈദ്യുതി ഉപയോഗം കുതിച്ചുയർന്നു

വിഭജനത്തിനുള്ള റെക്കോര്‍ഡ് തീയതി മാര്‍ച്ച് 31, നേട്ടമുണ്ടാക്കി ഷിപ്പിംഗ് കോര്‍പ്പറേഷന്‍ ഓഹരി

ന്യൂഡല്‍ഹി: ഷിപ്പിംഗ് കോര്‍പ്പറേഷന്‍ ഓഫ് ഇന്ത്യ (എസ്സിഐ) ഓഹരികള്‍ തിങ്കളാഴ്ച കുതിച്ചുയര്‍ന്നു. നോണ്‍ കോര്‍ അസറ്റ് വിഭാഗത്തിന്റെ വിഭജനത്തിന് റെക്കോര്‍ഡ് തീയതി നിശ്ചയിച്ചതോടെയാണ് ഇത്. മാര്‍ച്ച് 31 ആണ് വിഭജനത്തിന് കമ്പനി റെക്കോര്‍ഡ് തീയതി നിശ്ചയിച്ചിരിക്കുന്നത്.

ഇത് പ്രകാരം എസ്സിഐ ഓഹരിയുടമകള്‍ക്ക് ഷിപ്പിംഗ് കോര്‍പറേഷന്‍ ഓഫ് ഇന്ത്യ ലാന്റ് ആന്റ് അസറ്റ് ലിമിറ്റഡിന്റെ (എസ്സിഐഎല്‍എഎല്‍) ഓഹരികള്‍ ലഭ്യമാകും. 1:1 അനുപാതത്തിലാണ് ഓഹരികള്‍ ലഭ്യമാകുക. കമ്പനി ഓഹരി 3 ശതമാനം ഉയര്‍ന്ന് തിങ്കളാഴ്ച 132.50 രൂപയിലെത്തി.

ഫെബ്രുവരി 22 ന് വിഭജനം കോര്‍പറേറ്റ് മന്ത്രാലയം അംഗീകരിച്ചിരുന്നു. ഷിപ്പിംഗ് കോര്‍പ്പറേഷന്‍ ഓഫ് ഇന്ത്യ (എസ്സിഐ) ഓഹരി വിറ്റഴിക്കല്‍ നടപടികളുമായി മുന്നോട്ടു പോവുകയാണ് സര്‍ക്കാര്‍.

അടുത്ത ഏതാനും മാസങ്ങള്‍ക്കുള്ളില്‍ ഇതിനായി താല്‍പ്പര്യ പ്രകടന പത്രിക (ഇഒഐകള്‍) ക്ഷണിക്കുമെന്ന് സര്‍ക്കാര്‍ വൃത്തങ്ങളെ ഉദ്ദരിച്ച് ഇക്കണോമിക് ടൈംസ് റിപ്പോര്‍ട്ട് ചെയ്തു.

X
Top