ന്യൂഡല്‍ഹി: കാര്‍ഷിക, ഗ്രാമീണ തൊഴിലാളികള്‍ നേരിടുന്ന ചില്ലറ പണപ്പെരുപ്പം ജൂലൈയില്‍ 0.77 ശതമാനമായും 1.01 ശതമാനമായും കുറഞ്ഞു. തൊഴില്‍ മന്ത്രാലയം വ്യാഴാഴ്ച പുറത്തുവിട്ട കണക്കുകള്‍ വ്യക്തമാക്കുന്നു. ജൂണിലിത് യഥാക്രമം 1.42 ശതമാനവും 1.73 ശതമാനവും ആയിരുന്നു.
കാര്‍ഷിക തൊഴിലാളികളിലെ അഖിലേന്ത്യ ഉപഭോക്തൃ വില സൂചിക 1.23 പോയിന്റ് വര്‍ദ്ധിച്ച് 135.31 ആയപ്പോള്‍ ഗ്രാമീണ തൊഴിലാളികളിലേത്‌ 1.30 പോയിന്റ് വര്‍ദ്ധിച്ച് 136.66 എത്തി. ഇതില്‍ ഭക്ഷ്യ സൂചിക പണപ്പെരുപ്പം യഥാക്രമം 1.94 പോയിന്റും 2.16 പോയിന്റുകളുമാണുയര്‍ന്നത്.
വാര്‍ഷിക പണപ്പെരുപ്പ നിരക്ക് യഥാക്രമം 0.77 ശതമാനവും 1.01 ശതമാനവുമാണ്. ഭക്ഷ്യണപ്പെരുപ്പം വാര്‍ഷികാടിസ്ഥാനത്തില്‍ -1.56 ശതമാനവും -1.13 ശതമാനവുമായി. 2019 അടിസ്ഥാനമാക്കിയാണ് നിരക്കുകള്‍.
ഇതിനായി 34 സംസ്ഥാനങ്ങളിലേയും കേന്ദ്രഭരണ പ്രദേശങ്ങളിലേയും 787 ഗ്രാമങ്ങളില്‍ നിന്നും ഡാറ്റ ശേഖരിച്ചു.
