കൊച്ചി: റിസർവ് ബാങ്കിന്റെ ഡിജിറ്റൽ കറൻസി പദ്ധതിയിൽ പങ്കാളികളാകുന്നതിന് ആഗോള കോർപ്പറേറ്റ് ഗ്രൂപ്പുകളായ ആമസോൺ, ഗൂഗിൾ, വാൾമാർട്ട് എന്നിവ താത്പര്യം പ്രകടിപ്പിച്ചു.
ഇവരുടെ പേയ്‌മെന്റ് ആപ്പുകളിലൂടെ റിസർവ് ബാങ്കിന്റെ ഇ-റുപ്പി ഉപയോഗിച്ച് ഇടപാടുകൾ നടത്താൻ കഴിയുന്ന സംവിധാനമാണ് ഒരുക്കുന്നത്.
ഇന്ത്യയിലെ ഫിൻടെക്ക് കമ്പനികളായ ക്രെഡ്, മൊബിക്വിക് തുടങ്ങിയവയും പദ്ധതിയിൽ സഹകരിക്കാൻ താത്പര്യം പ്രകടിപ്പിച്ചിട്ടുണ്ട്.
ഫിസിക്കൽ രൂപത്തിലുള്ള നോട്ടുകൾക്ക് പകരം ഇ- റുപ്പി ഉപയോഗിക്കാനുള്ള പൈലറ്റ് പദ്ധതി 2022 ഡിസംബറിലാണ് റിസർവ് ബാങ്ക് ആരംഭിച്ചത്.
