കേന്ദ്ര ബജറ്റിൽ ധനമന്ത്രി നികുതി ഇളവ് പരിഗണിച്ചേക്കുമെന്ന് റിപ്പോർട്ട്ഇന്ത്യ മൂന്നാമത്തെ വലിയ ആഭ്യന്തര എയര്‍ലൈന്‍ വിപണിബജറ്റിൽ ഇടത്തരക്കാർക്ക് ആശ്വാസത്തിൻ്റെ സൂചനകൾകൊല്ലം തീരത്തെ ഇന്ധന പര്യവേക്ഷണം ഡ്രില്ലിങ് ഘട്ടത്തിലേക്ക്വ​ധ​വ​നി​ൽ പുതിയ തുറമുഖത്തിന് കേന്ദ്രമന്ത്രിസഭയുടെ അംഗീകാരം

5ജി സ്‌പെക്ട്രം ലേലത്തിനായി 3,000 കോടി നിക്ഷേപിച്ച് ജിയോ

മുംബൈ: ഇന്ന് ഇന്ത്യയിലെ ഏറ്റവും വലിയ 5ജി നെറ്റ്‌വർക്ക് റിലയൻസ് ജിയോയുടെ ആണെന്നു റിപ്പോർട്ടുകൾ വ്യക്തമാക്കുന്നു. നാൾക്കുനാൾ കമ്പനി അതിന്റെ 5ജി നെറ്റ്‌വർക്ക് വിപുലീകരിച്ചുകൊണ്ടിരിക്കുകയാണ്.

2023 ഡിസംബർ 31 വരെ ജിയോയുടെ ആസ്തി 2.31 ലക്ഷം കോടി രൂപയാണെന്ന് ഡിപ്പാർട്ട്മെന്റ് ഓഫ് ടെലികമ്മ്യൂണിക്കേഷൻസ് (DoT) വെബ്‌സൈറ്റ് വ്യക്തമാക്കുന്നു. വരാനിരിക്കുന്ന 5ജി സ്‌പെക്ട്രം ലേലം കമ്പനിക്ക് വളരെ പ്രധാനപ്പെട്ടതാണ്. കമ്പനിയുടെ മുൻകൂർ നീക്കങ്ങളും ഇതു വ്യക്തമാക്കുന്നു.

5ജി സ്‌പെക്ട്രം ലേലത്തിൽ പങ്കെടുക്കാനായി ജിയോ ഇതോടകം 3,000 കോടി രൂപ നിക്ഷേപിച്ചതായി റിപ്പോർട്ടുകൾ വ്യക്തമാക്കുന്നു.

ജൂൺ ആറിനാണ് ലേലം നടക്കുക. ഏകദശം 93,000 കോടി രൂപയുടെ സ്‌പെക്ട്രം ആണ് ലേലത്തിൽ ഡിപ്പാർട്ട്മെന്റ് ഓഫ് ടെലികമ്മ്യൂണിക്കേഷൻസ് വാഗ്ദാനം ചെയ്യുന്നത്. ജിയോ നിക്ഷേപിച്ച തുക എതിരാളികളേക്കാൾ പതിൻമടങ്ങ് കൂടുതലാണ്.

പ്രധാന എതിരാളിയായ ഭാരതി എയർടെൽ ലിമിറ്റഡ് ഏകദേശം 1,050 കോടിയാണ് ഇഎംഡി ആയി നിക്ഷേപിച്ചത്. അതേസമയം വോഡഫോൺ ഐഡിയ 300 കോടി ഇഎംഡി നിക്ഷേപിച്ചു.

2022 ജൂലൈയിലാണ് ഇന്ത്യയുടെ ആദ്യത്തെ 5ജി ലേലം നടന്നത്. അന്ന് ഏകദേശം 1.5 ലക്ഷം കോടിയിലധികം രൂപ സർക്കാർ ലേലത്തിലൂടെ സമ്പാദിച്ചു. അന്നും മുന്നിൽ ജിയോ തന്നെയായിരുന്നു.

ഇത്തവണ വിജയിക്കുന്നവർക്ക് 20 വർഷത്തേയ്ക്കുള്ള സ്‌പെക്ട്രം ആണ് അനുവദിക്കുക.

കൂടാതെ തുക 20 തുല്യ വാർഷിക ഗഡുക്കളായി അടയ്ക്കാനുള്ള വ്യവസ്ഥകളും ഉണ്ടാകും.

X
Top