മുംബൈ: 5 മെഗാവാട്ട് (മെഗാവാട്ട്) ശേഷിയുള്ള ക്യാപ്റ്റീവ് ഓഫ്‌ഷോർ കാറ്റാടി വൈദ്യുതി പദ്ധതികൾ സ്ഥാപിക്കാൻ ഒരുങ്ങി റിലയൻസ് ഇൻഡസ്ട്രീസ് ലിമിറ്റഡ് (ആർഐഎൽ). ഗുജറാത്തിലാണ് കമ്പനി പദ്ധതികൾ സ്ഥാപിക്കുന്നതെന്ന് വികസനത്തെക്കുറിച്ച് അറിയാവുന്ന രണ്ട് ഉദ്യോഗസ്ഥർ പറഞ്ഞു.
ആർഐഎൽ ഇപ്പോൾ ഒരു വർഷത്തിലേറെയായി ഈ വിഭാഗത്തെ വിലയിരുത്തുന്നതായും. തുടക്കത്തിൽ 5 മെഗാവാട്ട് വരെയുള്ള ക്യാപ്റ്റീവ് ഉപഭോഗത്തിനുള്ള ശേഷി സജ്ജീകരിക്കാനും പിന്നീട് ഇത് വർദ്ധിപ്പിക്കാനും കമ്പനി പദ്ധതിയിടുന്നതായി ചർച്ചകളെക്കുറിച്ച് അറിയാവുന്ന ഒരു ഉദ്യോഗസ്ഥൻ പറഞ്ഞു. എന്നാൽ ആർഐഎൽ ഈ മാധ്യമ റിപ്പോർട്ടുകളോട് പ്രതികരിക്കാൻ തയ്യാറായില്ല.
കഴിഞ്ഞ ഒക്ടോബറിൽ ആർ‌ഐ‌എല്ലിന്റെ ഉപകമ്പനിയായ റിലയൻസ് ന്യൂ എനർജി ലിമിറ്റഡ് ഡെന്മാർക്ക് ആസ്ഥാനമായുള്ള സ്റ്റിഡിസലുമായി ഒരു സഹകരണ ഉടമ്പടി ഒപ്പുവച്ചിരുന്നു. സാങ്കേതിക വികസനത്തിനും സ്റ്റൈഡാലിന്റെ ഹൈഡ്രജൻ ഇലക്ട്രോലൈസറുകൾ ഇന്ത്യയിൽ നിർമ്മിക്കുന്നതിനുമായിയാണ് നിർദിഷ്ട ഉടമ്പടി. കരാറിന്റെ ഭാഗമായി ഓഫ്‌ഷോർ വിൻഡ് എനർജി, അടുത്ത തലമുറ ഇന്ധന സെല്ലുകൾ, ദീർഘകാല ഊർജ സംഭരണം, കാർബൺ നെഗറ്റീവ് ഇന്ധനങ്ങളുടെ ഉത്പാദനം എന്നിവ ഉൾപ്പെടെയുള്ള മേഖലകളിൽ കമ്പനികൾ സഹകരിക്കും.
റിലയൻസ് ഇൻഡസ്ട്രീസിന് സിൽവാസ, ദാദ്ര, നാഗർ ഹവേലി എന്നിവിടങ്ങളിൽ കാറ്റാടിയന്ത്രങ്ങൾ, നാസിലേ കവർ, നോസ് കോൺ എന്നിവയുടെ നിർമ്മാണ സൗകര്യമുണ്ട്. കൂടാതെ സോളാർ പാനലുകൾക്കായി മൗണ്ടിംഗ് ഫ്രെയിമുകൾ, ടാങ്കുകൾ, ഘടനാപരമായ പ്രൊഫൈലുകൾ എന്നിവയും കമ്പനി വാഗ്ദാനം ചെയ്യുന്നു.
