8ാം ശമ്പള കമീഷനു മുമ്പ് കേന്ദ്രസർക്കാർ ജീവനക്കാർക്ക് ക്ഷാമബത്ത പ്രഖ്യാപനം പ്രതീക്ഷിക്കാമോ?2025-26 ല്‍ ഇന്ത്യയുടെ ജിഡിപി 6.5% കവിയുമെന്ന് ഐക്രകോര്‍ പണപ്പെരുപ്പം വര്‍ധിക്കുന്നതായി ക്രിസില്‍രാജ്യത്ത് സ്വകാര്യ മേഖലയിലെ മൂലധനം ഇരട്ടിയാകുംഇന്ത്യയുടെ സ്വർണ കരുതൽ ശേഖരം റെക്കോർഡ് നിലവാരത്തിൽ

ഐടിആര്‍ ഫയലിംഗ് രണ്ട് കോടി കവിഞ്ഞു

മുംബൈ: രാജ്യമെമ്പാടുമായി രണ്ട് കോടിയിലധികം ആദായ നികുതി റിട്ടേണുകള്‍ സമര്‍പ്പിച്ചതായി ആദായ നികുതി വകുപ്പ്. 2023 ജൂലൈ 11 വരെയുള്ള കാലയളവിലെ കണക്കുകളാണ് വകുപ്പ് പുറത്തുവിട്ടിട്ടുള്ളത്.

ഐ.ടി.ആര്‍ ഫയലിംഗ് രണ്ട് കോടി കവിയാന്‍ മുന്‍വര്‍ഷത്തെ അപേക്ഷിച്ച് കുറച്ചു ദിവസങ്ങളെ എടുത്തുള്ളു. കഴിഞ്ഞ വര്‍ഷത്തേക്കാള്‍ 9 ദിവസം മുമ്പാണ് ഇത്തവണ രണ്ട് കോടി കടന്നിരിക്കുന്നതെന്ന് ആദായ നികുതി വകുപ്പ് ട്വീറ്റ് ചെയ്തു.

കഴിഞ്ഞ വര്‍ഷം ജൂലൈ 20നാണ് ഐ.ടി.ആര്‍ ഫയലിംഗ് രണ്ട് കോടി കവിഞ്ഞത്. ഐ.ടി.ആര്‍ നേരത്തെ ഫയല്‍ ചെയ്ത് അവസാന നിമിഷത്തെ തിരക്ക് ഒഴിവാക്കാന്‍ നികുതിദായകരോട് ആദായ നികുതി വകുപ്പ് അഭ്യര്‍ത്ഥിച്ചു.

2022-23 സാമ്പത്തിക വര്‍ഷത്തില്‍ നേടിയ വരുമാനത്തിനുള്ള നികുതി റിട്ടേണ്‍ ഫയല്‍ ചെയ്യാനുള്ള അവസാന തീയതി ജൂലൈ 31 ആണ്.ജൂലൈ 9 വരെ 2023-24 വര്‍ഷത്തേക്കുള്ള 1.9 കോടി ഐ.ടി.ആര്‍ സമര്‍പ്പിച്ചിരുന്നു. ഇതില്‍ 1.74 കോടി ആദായ നികുതി റിട്ടേണുകള്‍ വേരിഫൈ ചെയ്തതായി ആദായ നികുതി പോര്‍ട്ടലില്‍ നിന്നുള്ള വിവരങ്ങള്‍ വെളിപ്പെടുത്തുന്നു.

11.22 കോടി വ്യക്തിഗത രജിസ്‌റ്റേഡ് ഉപയോക്താക്കളാണ് പോര്‍ട്ടലില്‍ ഉള്ളത്.

X
Top