മുംബൈ: ജെന്3 സ്ക്കൂട്ടര് പോര്ട്ട്ഫോളിയോ പിഎല്ഐ സര്ട്ടിഫിക്കേഷന് യോഗ്യത നേടിയതിനെ തുടര്ന്ന് ഓല ഇലക്ട്രിക് മൊബിലിറ്റി ഓഹരി ഉയര്ന്നു. 5 ശതമാനം ഉയര്ന്ന് 50.79 രൂപയിലാണ് സ്റ്റോക്കുള്ളത്.
നിലവില് കമ്പനിയുടെ ജെന്2, ജെന്3 പോര്ട്ട്ഫോളിയോകള് പിഎല്ഐ സര്ട്ടിഫിക്കേഷന് നേടിയിട്ടുണ്ട്.കമ്പനിയുടെ മൊത്തം വില്പന അളവിന്റെ 56 ശതമാനം ജെന് 3 സ്ക്കൂട്ടറുകളാണ്. അതുകൊണ്ടുതന്നെ സര്ട്ടിഫിക്കേഷന് കമ്പനിയ്ക്ക് മുതല്ക്കൂട്ടായി.
പിഎല്ഐ സ്ക്കീം വഴി മൊത്തം വില്പന അളവിന്റെ 13 മുതല് 8 ശതമാനം വരെ ആനുകൂല്യത്തിന് അര്ഹരാകുമെന്ന് കരുതുന്നു. ഇതോടെ വരും പാദങ്ങളില് കമ്പനി ലാഭത്തിലാകാനുള്ള സാധ്യതയേറി.
ജൂണ്പാദത്തില് അറ്റനഷ്ടം കുറയ്ക്കാന് കമ്പനിയ്ക്ക് സാധിച്ചിരുന്നു. ചൊവ്വാഴ്ച 5 ശതമാനം ഉയര്ന്ന കമ്പനി ഓഹരി കഴിഞ്ഞ ഒരു മാസത്തില് 24 ശതമാനം ഉയര്ന്നു.
