കണ്ണൂർ: കൊങ്കണ്‍ വഴി ഓടുന്ന കേരളത്തില്‍നിന്നുള്ള തീവണ്ടികളുടേതടക്കം സമയം വെള്ളിയാഴ്ചമുതല്‍ മാറും. മണ്‍സൂണ്‍ കാലത്ത് 40-75 കിലോമീറ്ററായി വേഗം കുറച്ച വണ്ടികള്‍ ഇനി 110 കിലോമീറ്ററിലോടും.
മംഗള, നേത്രാവതി, മത്സ്യഗന്ധ അടക്കം 25-ലധികം വണ്ടികള്‍ക്ക് പുതിയ സമയമാണ്. മുൻകൂട്ടി റിസർവ് ചെയ്തവർ സമയമാറ്റം ശ്രദ്ധിക്കണം. കേരളത്തിലേക്കുള്ളവ നേരത്തേ എത്തും.
പ്രധാന മാറ്റങ്ങള്‍:
- എറണാകുളം-നിസാമുദ്ദീൻ മംഗള എക്സ്പ്രസ് (12617) മൂന്നുമണിക്കൂറോളം വൈകി പുറപ്പെടും.
- എറണാകുളത്തുനിന്ന് ഉച്ചക്ക് 1.25-ന് പുറപ്പെടും. (നിലവില്‍ രാവിലെ 10.30-ആണ്). ഷൊർണൂരില്‍ വൈകീട്ട് 4.15-നും കണ്ണൂരില്‍ 6.39-നും എത്തും.
- നിസാമുദ്ദീൻ-എറണാകുളം മംഗള (12618) ഒരുമണിക്കൂർ നേരത്തേ എത്തും. നിലവില്‍ 11.40-ന് മംഗളൂരുവില്‍ എത്തുന്ന വണ്ടി രാത്രി 10.35-ന് മംഗളൂരു വിടും. ഷൊർണൂരില്‍ പുലർച്ചെ 4.15-നും എറണാകുളത്ത് 7.30-നും എത്തും.
- തിരുവനന്തപുരം-ലോകമാന്യതിലക് നേത്രാവതി എക്സ്പ്രസ് (16346) രാവിലെ 9.15-ന് തന്നെ പുറപ്പെടും. എറണാകുളം ഉച്ചക്ക് 1.50. കോഴിക്കോട്ട്- വൈകീട്ട് 6.05. കണ്ണൂർ- 7.35 എന്നിങ്ങനെയാണ് സമയക്രമം. ലോകമാന്യതിലക്- തിരുവനന്തപുരം നേത്രാവതി (16345) ഒന്നരമണിക്കൂർ നേരത്തേയെത്തും. മംഗളൂരു -പുലർച്ചെ 4.25. കണ്ണൂർ- 6.35. കോഴിക്കോട് 8.10. ഷൊർണൂർ 10.20. വൈകീട്ട് 6.20- ന് തിരുവനന്തപുരം.
- മംഗളൂരുവില്‍നിന്ന് മുംബൈയിലേക്കുള്ള മത്സ്യഗന്ധ (12620) ഉച്ചക്ക് 2.20-ന് പുറപ്പെടും. നിലവില്‍ 12.45.
മംഗളൂരുവില്‍നിന്ന് പുറപ്പെടുന്ന ചില വണ്ടികളുടെ പുതിയ സമയം:
- മംഗളൂരു-ഗോവ വന്ദേഭാരത്-രാവിലെ 8.30.
- മംഗളൂരു-ഗോവ മെമു-വൈകീട്ട് 3.30.
- മംഗളൂരു-ഗോവ സ്പെഷ്യല്‍-രാവിലെ 5.30.
- മംഗളൂരു-മുംബൈ മത്സ്യഗന്ധ-ഉച്ച 2.20
