8 ബില്യണ്‍ ഡോളര്‍ വിപണിയില്‍ നിന്നും വാങ്ങി ആര്‍ബിഐനവംബര്‍ മാസത്തില്‍ രേഖപ്പെടുത്തിയത് റെക്കോര്‍ഡ് വാഹന വില്‍പനവികസിത രാഷ്ട്രങ്ങളുമായി തര്‍ക്കം: ആഭ്യന്തര റെഗുലേറ്റര്‍മാരെ പിന്തുണച്ച് ആര്‍ബിഐ ഗവര്‍ണര്‍ഭക്ഷ്യധാന്യ സബ്സിഡി ബില്ലില്‍ 30 ശതമാനം വര്‍ധന8 മാസം കൊണ്ട് ഒരു ലക്ഷം സംരംഭങ്ങൾ; ചരിത്രം കുറിച്ച് കേരളം

ഓൺഡേയ്‌സിന്റെ ഭൂരിഭാഗം ഓഹരികളും ലെൻസ്‌കാർട്ട് സ്വന്തമാക്കി

ഡൽഹി: ഡയറക്റ്റ് ടു കൺസ്യൂമർ ( ഡി2സി) കണ്ണട ബ്രാൻഡായ ജപ്പാനിലെ ഓൺഡേയ്‌സ് ഇങ്കിന്റെ ഭൂരിഭാഗം ഓഹരികളും ഏറ്റെടുത്ത് സോഫ്റ്റ്ബാങ്കിന്റെ പിന്തുണയുള്ള കണ്ണട ചില്ലറ വിൽപ്പനക്കാരനായ ലെൻസ്കാർട്ട്. ഈ ഏറ്റെടുക്കൽ ഏഷ്യയിലെ ഏറ്റവും വലിയ കണ്ണടകളുടെ ഓൺലൈൻ റീട്ടെയിലർമാരാകാൻ കമ്പനിയെ സഹായിക്കും. ഈ ഏറ്റെടുക്കലിലൂടെ ലെൻസ്‌കാർട്ട അവരുടെ പ്രവർത്തനം ഇന്ത്യ, സിംഗപ്പൂർ, തായ്‌ലൻഡ്, തായ്‌വാൻ, ഫിലിപ്പീൻസ്, ഇന്തോനേഷ്യ, മലേഷ്യ, ജപ്പാൻ എന്നിവയുൾപ്പെടെ 13 വിപണികളിലേക്ക് വിപുലീകരിച്ചു. ഏറ്റെടുക്കലിന് ശേഷവും കമ്പനിയുടെ സ്ഥാപകർ, സിഇഓ, ചീഫ് ഓപ്പറേറ്റിംഗ് ഓഫീസർ എന്നിവർ ഓൺഡേയ്‌സ് ഇങ്കിന്റെ ഓഹരി ഉടമകളായി തുടരുകയും, മാനേജ്‌മെന്റ് ടീമിനെ നയിക്കുകയും ചെയ്യും. ഈ ഇടപാടിന് ഏകദേശം 400 മില്യൺ ഡോളറിന്റെ മൂല്യമുണ്ടെന്ന് അടുത്ത വൃത്തങ്ങൾ പറഞ്ഞു.

ലെൻസ്‌കാർട്ടിന്റെ എഞ്ചിനീയറിംഗ് ടീമിൽ നിലവിൽ 300 പേരുണ്ട്, 2023 സാമ്പത്തിക വർഷത്തിൽ ഇത് 500 ആയി ഉയരുമെന്ന് കണക്കാക്കപ്പെടുന്നു. ഓൺഡേയ്‌സിന് ശക്തമായ ഓൺലൈൻ, ഓമ്‌നി അനുഭവം സൃഷ്ടിക്കാൻ ഇത് സഹായിക്കുമെന്ന് കമ്പനി ഒരു മാധ്യമക്കുറിപ്പിൽ പറഞ്ഞു. ഇന്ത്യയിലും തെക്കുകിഴക്കൻ ഏഷ്യയിലും തങ്ങളുടെ ദ്രുതഗതിയിലുള്ള വിപുലീകരണം തുടരുമെന്ന് ലെൻസ്‌കാർട്ട് അറിയിച്ചു. കൂടാതെ ഈയിടെ ടിപിജി, ടീമാസ്‌ക്, കെകെആർ തുടങ്ങിയ നിക്ഷേപകരിൽ നിന്ന് ഏകദേശം 968 മില്യൺ ഡോളറിന്റെ മൊത്തം ഫണ്ടിംഗ് ലെൻസ്കാർട്ട് സമാഹരിച്ചിരുന്നു.  

X
Top