ഡൽഹി: ഉയർന്ന പലിശ വരുമാനവും മെച്ചപ്പെട്ട പലിശ മാർജിനും കാരണം ജൂൺ പാദത്തിൽ കരൂർ വൈശ്യ ബാങ്കിന്റെ അറ്റാദായം ഇരട്ടിയിലധികം വർധിച്ച് 229 കോടി രൂപയായി ഉയർന്നു. കഴിഞ്ഞ വർഷം ഇതേ കാലയളവിൽ ബാങ്ക് 109 കോടി രൂപയുടെ അറ്റാദായം നേടിയിരുന്നു. നടപ്പ് സാമ്പത്തിക വർഷത്തിന്റെ ആദ്യ പാദത്തിൽ അറ്റ പലിശ വരുമാനം 17 ശതമാനം വർധിച്ച് 746 കോടി രൂപയായി. കഴിഞ്ഞ വർഷം ഇതേ കാലയളവിൽ ഇത് 638 കോടി രൂപയായിരുന്നുവെന്ന് കരൂർ വൈശ്യ ബാങ്ക് പ്രസ്താവനയിൽ പറഞ്ഞു. ബാങ്കിന്റെ അറ്റ പലിശ മാർജിൻ 3.55 ശതമാനത്തിൽ നിന്ന് 3.82 ശതമാനമായി ഉയർന്നു. കൂടാതെ, അവലോകന കാലയളവിൽ ബാങ്കിന്റെ മൊത്ത വരുമാനം 1,672.60 കോടി രൂപയായി ഉയർന്നു.
ജൂൺ പാദത്തിൽ വായ്പ ദാതാവിന്റെ മൊത്ത നിഷ്‌ക്രിയ ആസ്തികൾ (എൻപിഎ) മൊത്തം അഡ്വാൻസുകളുടെ 5.21 ശതമാനമായി കുറഞ്ഞു. ഇതേ കാലയളവിൽ അറ്റ നിഷ്‌ക്രിയ ആസ്തി അല്ലെങ്കിൽ കിട്ടാക്കടം 3.69 ശതമാനത്തിൽ നിന്ന് 1.91 ശതമാനമായി കുറഞ്ഞു. ജൂൺ പാദത്തിൽ കിട്ടാക്കടങ്ങൾക്കും ആകസ്‌മികതകൾക്കുമുള്ള ബാങ്കിന്റെ കരുതൽ 154.64 കോടി രൂപയായി പരിമിതപ്പെടുത്തി. ഒന്നാം പാദത്തിൽ ബാങ്കിന്റെ ആഭരണ വായ്പാ പോർട്ട്‌ഫോളിയോ 13 ശതമാനം വർധിച്ച് 14,873 കോടി രൂപയിലെത്തിയപ്പോൾ, മൊത്തം നിക്ഷേപം 11 ശതമാനം വർധിച്ച് 71,168 കോടി രൂപയായി.
