അഹമ്മദാബാദ്: 2024 ട്വന്റി-20 ലോകകപ്പിനുള്ള ഇന്ത്യന് ടീമിനെ പ്രഖ്യാപിച്ചു. 15 അംഗ ടീമിനേയാണ് പ്രഖ്യാപിച്ചത്. മലയാളി താരം സഞ്ജു സാംസണ് ടീമിലിടം നേടി.
രോഹിത് ശര്മയാണ് ഇന്ത്യന് ടീമിനെ നയിക്കുന്നത്. ഹര്ദിക് പാണ്ഡ്യയാണ് ഉപനായകന്. സഞ്ജുസാംസണിനൊപ്പം ഋഷഭ് പന്തും വിക്കറ്റ് കീപ്പറായി ടീമിലിടം നേടിയിട്ടുണ്ട്.
സൂപ്പര് താരം വിരാട് കോലിയ്ക്ക് പുറമേ യശസ്വി ജയ്സ്വാള്, സൂര്യകുമാര് യാദവ്, ശിവം ദുബൈ എന്നിവരും ടീമിലിടം നേടി. ഓള്റൗണ്ടര്മാരായി ജഡേജയും അക്ഷര് പട്ടേലുമാണുള്ളത്.
ശുഭ്മാന് ഗില്, റിങ്കു സിങ്, ഖലീല് അഹമ്മദ്, ആവേശ് ഖാന് എന്നിവര് റിസര്വ് താരങ്ങളായി സ്ക്വാഡിലുണ്ട്.
