Alt Image
സമ്പദ്‌വ്യവസ്ഥയുടെ വളർച്ചയിൽ നേരിയ ഇടിവുണ്ടാകുമെന്ന് ഐസിആർഎ; രണ്ടാം പാദത്തിൽ 7.5% മാത്രം, കാർഷിക മേഖലയിൽ വലിയ തിരിച്ചടി ◆ രത്ന, ആഭരണ കയറ്റുമതിയിൽ 34 ശതമാനം കുതിപ്പ് ◆ രാജ്യത്തെ സ്വർണപ്പണയ വിപണിയിൽ ആഗോള ഭീമന്മാരുടെ മത്സരം ◆ ഇന്ത്യയിൽ കല്യാണ സീസണ്‍ തുടങ്ങുന്നു: 45 ദിവസത്തിനിടെ ആറരലക്ഷം കോടിയുടെ ബിസിനസ്! ◆ വിമാനക്ഷാമം പരിഹരിക്കാൻ പുതിയ നീക്കവുമായി ഇന്ത്യ; 1,000 വിമാനങ്ങൾ കൂടി ഓർഡർ ചെയ്യാൻ തയ്യാറാണെന്ന് പീയുഷ് ഗോയൽ ◆

ഫെബ്രുവരിയിലെ വിൽപനയിൽ ഹീറോയെ മറികടന്ന് ഹോണ്ട

ബെംഗളൂരു: ഫെബ്രുവരിയിലെ വില്‍പന കണക്കുകള്‍ പുറത്തുവിട്ട് ഹോണ്ട മോട്ടോർസൈക്കിള്‍ ആൻഡ് സ്കൂട്ടർ ഇന്ത്യ. 4,22,449 യൂണിറ്റുകളാണ് 2025 ഫെബ്രുവരി മാസം കമ്പനിയുടെ മൊത്ത വില്‍പന. എന്നാല്‍ 2024 ഫെബ്രുവരിയില്‍ ഇത് 4,58,711 ആയിരുന്നു. 7.91ശതമാനത്തിന്റെ ഇടിവാണ് സംഭവിച്ചത്.

ആഭ്യന്തര വിപണിയിലെ വില്‍പന മാത്രമെടുത്താല്‍ 7.26 ശതമാനത്തിന്റെ കുറവും കയറ്റുമതി കണക്കെടുത്താല്‍ 13.89 ശതമാനത്തിന്റെ കുറവുമാണിത്.

വില്‍പനയില്‍ ഇടിവ് സംഭവിച്ചെങ്കിലും പ്രധാന എതിരാളികളായ ഹീറോ മോട്ടോ കോർപ്പിനെ ഹോണ്ട ഫെബ്രുവരിയില്‍ മറികടന്നു എന്നതാണ് ശ്രദ്ധേയം. ആഭ്യന്തര വിപണിയില്‍ 3,83,918 യൂണിറ്റുകളും കയറ്റുമതിയായി 38,531 യൂണിറ്റുകളുമാണ് ഹോണ്ട വിറ്റഴിച്ചത്. ഫെബ്രുവരിയിലെ വില്‍പനയില്‍ ഹീറോയ്ക്കുണ്ടായതാകട്ടെ 20 ശതമാനത്തിന്റെ ഇടിവും.

അതേസമയം, 2025 ജനുവരിയിലെ 4,02,977 യൂണിറ്റുകളുടെ വില്‍പനയില്‍നിന്ന് ഫെബ്രുവരിയിലെ 3,83,918 എന്നതിലേക്കെത്തുമ്ബോള്‍ 4.73 ശതമാനത്തിന്റെ ഇടിവ് ഹോണ്ടയ്ക്ക് സംഭവിച്ചിട്ടുണ്ട്.

ജനുവരിയില്‍ 41,870 യൂണിറ്റുകളാണ് കയറ്റുമതി ചെയ്തിരുന്നതെങ്കില്‍ ഫെബ്രുവരിയില്‍ ഇത് 38,531 ആയി കുറഞ്ഞു. 7.97 ശതമാനത്തിന്റെ ഇടിവ്.

അതേസമയം, ഈ വർഷം ആരംഭിച്ചതു മുതല്‍ ഹീറോയ്ക്ക് വലിയ വെല്ലുവിളിയാണ് ഹോണ്ട ഉയർത്തുന്നത്.

ആഭ്യന്തര വില്‍പനയില്‍ മികച്ച പ്രകടനം ഹീറോ കാഴ്ചവെയ്ക്കുന്നുണ്ടെങ്കിലും കയറ്റുമതി കണക്കില്‍ ഹോണ്ടയെ മറികടക്കാൻ കഴിഞ്ഞില്ല.

X
Top