മുംബൈ: സ്വകാര്യ പ്ലെയ്സ്മെന്റ് അടിസ്ഥാനത്തിൽ ബോണ്ടുകൾ ഇഷ്യൂ ചെയ്യുന്നതിലൂടെ 12,000 കോടി രൂപ വരെ സമാഹരിക്കാൻ ഒരുങ്ങി ഹൗസിംഗ് ഡെവലപ്മെന്റ് ഫിനാൻസ് കോർപ്പറേഷൻ (എച്ച്ഡിഎഫ്സി ലിമിറ്റഡ്).
ഇതിന്റെ അടിസ്ഥാന ഇഷ്യൂ വലുപ്പം 1,000 കോടി രൂപയാണെന്നും. 11,000 കോടി രൂപ വരെ സബ്സ്ക്രിപ്ഷൻ നിലനിർത്താനുള്ള ഓപ്ഷനുണ്ടെന്നും എച്ച്ഡിഎഫ്സി റെഗുലേറ്ററി ഫയലിംഗിൽ പറഞ്ഞു. സുരക്ഷിതമായ റിഡീം ചെയ്യാവുന്ന നോൺ-കൺവേർട്ടിബിൾ ഡിബഞ്ചറുകൾ (എൻസിഡി) 10 വർഷത്തെ കാലയളവിലേക്ക് പ്രതിവർഷം 8.07 ശതമാനം കൂപ്പൺ നിരക്ക് വഹിക്കും.
ഇഷ്യൂ വരുമാനം ഉപയോഗിച്ച് അതിന്റെ ദീർഘകാല വിഭവങ്ങൾ വർധിപ്പിക്കാൻ കോർപ്പറേഷൻ ലക്ഷ്യമിടുന്നു. ഇഷ്യു ഒക്ടോബർ 11ന് തുറന്ന് അന്നുതന്നെ അവസാനിക്കും. 2021 നവംബറിൽ മോർട്ട്ഗേജ് ലെൻഡറുടെ ബോർഡ് അംഗീകരിച്ച 75,000 കോടി രൂപ സമാഹരിക്കുന്ന കമ്പനിയുടെ ഷെൽഫ് പ്ലേസ്മെന്റ് മെമ്മോറാണ്ടം എഎ-സീരീസിന്റെ ഭാഗമാണ് ഈ ഇഷ്യു.
