മുംബൈ: 2024-25 സാമ്പത്തികവര്‍ഷത്തെ ജിഎസ്ടി (ചരക്ക് സേവന നികുതി) ഫയലിംഗ് ഓണ്‍ലൈനില്‍ പോര്‍ട്ടലില്‍ തുടങ്ങി. ജിഎസ്ടിആര്‍-9, ജിഎസ്ടിആര്‍ 9 സി ഫോമുകള്‍ ഇതുവഴി ഇപ്പോള്‍ സമര്‍പ്പിക്കാം. അവസാന തീയതി ഡിസംബര്‍ 31.
ഓരോ സാധാരണ നികുതി ദായകനും ഫയല്‍ ചെയ്യേണ്ട വര്‍ഷിക റിട്ടേണാണ് ജിഎസ്ടിആര്‍-9 ഫോം. ക്ലെയിം ചെയ്ത വില്‍പന, വാങ്ങലുകള്‍, നികുതികള്‍, ഇന്‍പുട്ട് സ് ക്രെഡിറ്റുകള്‍ എന്നിവയുടെ സംഗ്രഹമാണിത്.
വാര്‍ഷിക വിറ്റുവരവ് 2 കോടി രൂപ കവിയുന്നവര്‍ക്ക് ഫോം നിര്‍ബന്ധമാണ്. ജിഎസ്ടിആര്‍-9 ഫോം ഡാറ്റയെ ഓഡിറ്റ് ചെയ്ത പ്രസ്താവനകളുമായി താരതമ്യം ചെയ്ത് തയ്യാറാക്കുന്ന അനുരഞ്ജന ഫോമാണ് ജിഎസ്ടിആര്‍-9 സി.
അഞ്ച് കോടി രൂപ കവിയുന്ന ബിസിനസുകള്‍ക്കാണ് ബാധകം. ചാര്‍ട്ടേഡ് അക്കൗണ്ടന്റോ കോസ്റ്റ് അക്കൗണ്ടന്റോ സാക്ഷ്യപ്പെടുത്തിയിരിക്കണം. കൂടാതെ ജിഎസ്ടിആര്‍9 ഫയല്‍ ചെയ്തതിനുശേഷം മാത്രമേ ജിഎസ്ടിആര്‍-9 സി സമര്‍പ്പിക്കാന്‍ കഴിയൂ.
