ന്യൂഡൽഹി: ശൈത്യകാല വിളകളായ ഗോതമ്പിന്റെയും കടുകിന്റെയും താങ്ങുവില ഉയർത്തി കേന്ദ്ര സർക്കാർ. ഗോതമ്പിന് ക്വിന്റലിന് 110 രൂപ വർധിപ്പിച്ച് 2,125 രൂപ താങ്ങുവിലയായി നിശ്ചയിച്ചപ്പോൾ കടുകിന് 400 രൂപ കൂടുതൽ നൽകി ക്വിന്റലിന് 5,450 രൂപയായി നിശ്ചയിച്ചു.
പ്രധാനമന്ത്രി നരേന്ദ്ര മോദി അധ്യക്ഷനായ സാമ്പത്തികകാര്യ കാബിനറ്റ് സമിതിയാണ് താങ്ങുവില വർധിപ്പിക്കാനുള്ള തീരുമാനം പ്രഖ്യാപിച്ചത്.
