ഡൽഹി: നോൺ-കൺവേർട്ടിബിൾ ഡിബഞ്ചറുകളുടെ (എൻസിഡി) കുടിശ്ശികയായ 1.06 കോടി രൂപയുടെ പലിശ അടയ്ക്കുന്നതിൽ വീഴ്ച വരുത്തി കടക്കെണിയിലായ ഫ്യൂച്ചർ ഗ്രൂപ്പിന്റെ ഭാഗമായ ഫ്യൂച്ചർ എന്റർപ്രൈസസ് ലിമിറ്റഡ് (എഫ്ഇഎൽ). മെയ് 17-ന് നൽകേണ്ട എൻ‌സി‌ഡികളുടെ പലിശയുമായി ബന്ധപ്പെട്ട ബാധ്യതകൾ നിറവേറ്റാൻ കമ്പനിക്ക് കഴിഞ്ഞില്ലെന്നും, 2021 നവംബർ 16 നും 2022 മെയ് 16 നും ഇടയിലെ 182 ദിവസത്തേക്കുള്ള പലിശ അടവിലാണ് വീഴ്ച വന്നതെന്നും കമ്പനി റെഗുലേറ്ററി ഫയലിംഗിൽ പറഞ്ഞു.
ലിസ്റ്റ് ചെയ്യപ്പെടാത്ത ഡെറ്റ് സെക്യൂരിറ്റികളുടെ മുതലും പലിശയും ഉൾപ്പെടെ 6.4 കോടി രൂപ തിരിച്ചടക്കുന്നതിൽ വീഴ്ച വരുത്തിയതായി ഫ്യൂച്ചർ ഗ്രൂപ്പ് കമ്പനിയായ ഫ്യൂച്ചർ കൺസ്യൂമർ തിങ്കളാഴ്ച അറിയിച്ചിരുന്നു. ഇൻസ്ട്രുമെന്റുകളുടെ തരത്തിൽ സുരക്ഷിതവും റിഡീം ചെയ്യാവുന്നതും അല്ലാത്തതുമായ കടപ്പത്രങ്ങൾ ഉൾപ്പെടുന്നതായി കമ്പനി അറിയിച്ചു. കൂടാതെ, നോൺ-കൺവേർട്ടിബിൾ ഡിബഞ്ചറുകളുടെ (എൻസിഡി) 8.94 ലക്ഷം രൂപ പലിശ അടയ്ക്കുന്നതിൽ പരാജയപ്പെട്ടതായി മെയ് 14 ന് എഫ്ഇഎൽ അറിയിച്ചിരുന്നു. കടക്കെണിയിലായ ഫ്യൂച്ചർ ഗ്രൂപ്പ് നിലവിൽ പാപ്പരത്വത്തിന്റെ വക്കിലാണ്.
