മുംബൈ: വെഞ്ച്വർ കാറ്റലിസ്റ്റുകൾ, 9 യൂണികോൺസ്, ഫാഡ് നെറ്റ്വർക്ക്, ലെറ്റ്സ്വെഞ്ചർ എന്നിവയുടെ പങ്കാളിത്തത്തോടെ സെറോദയുടെ വെഞ്ച്വർ ക്യാപിറ്റൽ വിഭാഗമായ റെയിൻമാറ്ററിൽ നിന്ന് 1 മില്യൺ ഡോളർ സമാഹരിച്ച് ഗ്ലോബൽ എസ്ക്രോ ബാങ്കിംഗ് സൊല്യൂഷൻ പ്രൊവൈഡറായ കാസ്ലർ. കാസ്ലർ അതിന്റെ ആഭ്യന്തര, ക്രോസ്-ബോർഡർ എസ്ക്രോ ഉൽപ്പന്ന പോർട്ട്ഫോളിയോ കൂടുതൽ വിപുലീകരിക്കാൻ ഈ ഫണ്ടുകൾ ഉപയോഗിക്കും. അടുത്ത ഒരു വർഷത്തിനുള്ളിൽ ബിസിനസ്സ് 10 മടങ്ങ് വർദ്ധിപ്പിക്കാൻ സ്റ്റാർട്ടപ്പ് പദ്ധതിയിടുന്നു.
2021 ജനുവരിയിൽ വിനീത് സിംഗ്, ദിനേശ് കുമാർ, റിതേഷ് തിവാരി എന്നിവർ ചേർന്ന് സ്ഥാപിച്ച ഡൽഹി ആസ്ഥാനമായുള്ള സ്റ്റാർട്ടപ്പ്, സംരംഭങ്ങൾക്കും ബാങ്കുകൾക്കുമായി ആഭ്യന്തര, അന്താരഷ്ട്ര എസ്ക്രോ സൊല്യൂഷനുകൾ, എസ്ക്രോ മാനേജ്മെന്റ് സൊല്യൂഷനുകൾ എന്നിവ വാഗ്ദാനം ചെയ്യുന്നു. സ്ഥാപനത്തിന്റെ ലളിതവൽക്കരിച്ച, സാങ്കേതികവിദ്യയെ അടിസ്ഥാനമാക്കിയുള്ള പ്ലാറ്ഫോം ഉയർന്ന കാലിബർ അനുഭവവും ഒരു വലിയ സ്ഥാപനത്തെപ്പോലെ ചിന്തിക്കാനും എന്നാൽ ഒരു സ്റ്റാർട്ടപ്പ് പോലെ പ്രവർത്തിക്കാനും തങ്ങളെ അനുവദിക്കുന്നതായും, ഈ ഫണ്ടിംഗ് ഉപയോഗിച്ച് കമ്പനി കൂടുതൽ വളരാൻ നോക്കുമെന്നും കാസ്ലറിന്റെ സ്ഥാപകൻ വിനീത് സിംഗ് പറഞ്ഞു.
2021 ജൂലൈയിൽ, സാമ്പത്തിക ഇടപാടുകൾ സുരക്ഷിതമാക്കുന്നതിനായി സ്റ്റാർട്ടപ്പ് രാജ്യത്തെ ആദ്യത്തെ വൈറ്റ്-ലേബൽ ഡിജിറ്റൽ എസ്ക്രോ സൊല്യൂഷനായ സ്മാർട്ട്എസ്ക്രോ സമാരംഭിച്ചിരുന്നു.
