ഡൽഹി: കമ്പനിയുടെ ചീഫ് എക്സിക്യൂട്ടീവ് ഓഫീസറായും (സിഇഒ) പ്രധാന മാനേജർമാരായും അജിത് വെങ്കിട്ടരാമനെ നിയമിച്ചതായി അറിയിച്ച് പിവിസി പൈപ്പുകളുടെയും ഫിറ്റിംഗുകളുടെയും ഏറ്റവും വലിയ നിർമ്മാതാക്കളായ ഫിനോലെക്സ് ഇൻഡസ്ട്രീസ് ലിമിറ്റഡ്. 2022 ഓഗസ്റ്റ് 1 മുതലാണ് നിയമനം പ്രാബല്യത്തിൽ വരുന്നത്. വെങ്കിട്ടരാമൻ മിഷിഗൺ സർവ്വകലാശാലയിൽ നിന്ന് എംബിഎ ബിരുദധാരിയാണ്, കൂടാതെ, ബിസിനസ്സിൽ യുഎസിലും ഇന്ത്യയിലും തെക്കുകിഴക്കൻ ഏഷ്യയിലുമായി 27 വർഷത്തെ സമ്പന്നമായ പ്രവർത്തി പരിചയവുമുണ്ട്.
ദേശീയവും ആഗോളവുമായ വൈവിധ്യമാർന്ന വ്യവസായ അനുഭവവും, വർഷങ്ങളായി സ്ഥിരതയാർന്ന പ്രകടനം നൽകുന്നതിന്റെ ശ്രദ്ധേയമായ ട്രാക്ക് റെക്കോർഡുമായാണ് വെങ്കിട്ടരാമൻ ഫിനോലെക്സ് ഇൻഡസ്ട്രീസിൽ ചേരുന്നത്. ഓട്ടോമൊബൈൽ, ലോജിസ്റ്റിക് വ്യവസായത്തിൽ മൾട്ടി കൾച്ചറൽ ഓർഗനൈസേഷൻ നടത്തുന്നതിൽ വെങ്കിട്ടരാമൻ പ്രധാന പങ്കുവഹിച്ചിട്ടുണ്ട്. തന്ത്രപരമായ ആസൂത്രണം, ജെവികൾ നിയന്ത്രിക്കൽ, പുതിയ വിപണി പ്രവേശനം, ബിസിനസ് വഴിത്തിരിവ്, ഉൽപ്പന്ന വികസനം, മാനേജ്മെന്റ് എന്നിവയിലാണ് അദ്ദേഹത്തിന്റെ കഴിവുകൾ.
ടെക്യു്മെസഹ്, ടാറ്റ മോട്ടോർസ് & എപിഎം ടെർമിനൽസ് ഇൻലാൻഡ് സർവീസസ് ഏഷ്യ, ഗ്രീവ്സ് കോട്ടൺ ലിമിറ്റഡ് തുടങ്ങിയ ചില പ്രമുഖ കമ്പനികളിൽ വെങ്കിട്ടരാമൻ മുമ്പ് പ്രവർത്തിച്ചിരുന്നു.
