മുംബൈ: ഇൻകോഫിൻ ഇന്ത്യ പ്രോഗ്രസ് ഫണ്ട് (ഐപിഎഫ്) നേതൃത്വം നൽകിയ എ സീരീസ് ഫണ്ടിംഗ് റൗണ്ടിൽ 5.7 മില്യൺ ഡോളർ സമാഹരിച്ച് ഇലക്ട്രിക് വെഹിക്കിൾ ഫിനാൻസിങ് കമ്പനിയായ മുഫിൻ ഗ്രീൻ ഫിനാൻസ്.
ഈ ഫണ്ടിംഗിലൂടെ, അടുത്ത 5 വർഷത്തിനുള്ളിൽ 5,000 കോടി രൂപയുടെ വരുമാനം നൽകുന്ന വായ്പകൾ വിതരണം ചെയ്യാൻ കമ്പനി പദ്ധതിയിടുന്നു. ഇത് മൊത്തത്തിൽ 4 ദശലക്ഷം ടൺ കാർബൺ പുറന്തള്ളൽ കുറയ്ക്കുക്കാൻ സഹായിക്കുമെന്ന് കമ്പനി പ്രസ്താവനയിൽ പറഞ്ഞു.
2016-ൽ സ്ഥാപിതമായ മുഫിൻ ഗ്രീൻ ഫിനാൻസ് ഇവി മേഖലയെ പരിപാലിക്കുന്ന പുതുതായി ലിസ്റ്റുചെയ്തിട്ടുള്ള നോൺ-ബാങ്കിംഗ് ഫിനാൻസ് കമ്പനിയാണ്. ഇതുവരെ 9 സംസ്ഥാനങ്ങളിലായി 160 കോടി രൂപയുടെ ധനസഹായം വിതരണം ചെയ്തതായി കമ്പനി അവകാശപ്പെടുന്നു.
കമ്പനിയുടെ ഫിനാൻസിംഗ് ഓപ്ഷനുകളിൽ ഇലക്ട്രിക് 2W/3W/ 4W, ഇവി ചാർജറുകൾ, ചാർജിംഗ് സ്റ്റേഷനുകൾ, സ്വാപ്പ് ചെയ്യാവുന്ന ബാറ്ററികൾ, നോൺ-സ്വാപ്പബിൾ ബാറ്ററികൾ, ബാറ്ററി ടോപ്പ് അപ്പ് ലോണുകൾ എന്നിങ്ങനെയുള്ള ഇവി ഇക്കോസിസ്റ്റം ഘടകങ്ങൾക്കുള്ള വായ്പകൾ ഉൾപ്പെടുന്നു.
ബിഎസ്ഇയിൽ ലിസ്റ്റ് ചെയ്ത എൻബിഎഫ്സിയായ എപിഎം ഫിൻവെസ്റ്റിനെ 76 കോടി രൂപയ്ക്ക് ഏറ്റെടുത്തതായി മുഫിൻ ഫിനാൻസ് ഏപ്രിലിൽ അറിയിച്ചിരുന്നു.
