2047 ഓടെ എട്ട് സംസ്ഥാനങ്ങൾ ഒരു ട്രില്യൺ ഡോളർ ജിഡിപിലേക്ക് ഉയരുമെന്ന് ഇന്ത്യാ റേറ്റിങ്സ്വ്യോമയാന മേഖലയിൽ പ്രതിസന്ധി: വിമാന യാത്രാ നിരക്കുകൾ കുതിക്കുന്നുസ്വർണവില ചരിത്രത്തിലാദ്യമായി 53,000 കടന്നുകേരളത്തിന്റെ കടമെടുപ്പ് പരിധിയിൽ 7000 കോടി കേന്ദ്രം കുറച്ചുഇന്ത്യയിലെ കുടുംബങ്ങൾ കടക്കെണിയിലെന്ന് പഠന റിപ്പോർട്ട്

ഡാറ്റാ സെന്റർ സ്ഥാപിക്കാൻ 86 മില്യൺ നിക്ഷേപിക്കുമെന്ന് ഇക്വിനിക്സ്

ന്യൂഡൽഹി: മുംബൈയിൽ പുതിയ ഡാറ്റാ സെന്റർ നിർമ്മിക്കുന്നതിന് 86 മില്യൺ ഡോളറിന്റെ പ്രാരംഭ നിക്ഷേപം പ്രഖ്യാപിച്ച്  യുഎസ് ആസ്ഥാനമായുള്ള ഡാറ്റാ സെന്റർ കമ്പനിയായ ഇക്വിനിക്സ്. ഈ പദ്ധതിക്കായി നഗരത്തിലെ ചന്ദിവാലി പ്രദേശത്ത് നാലേക്കർ ഭൂമിയാണ് കമ്പനി ഏറ്റെടുത്തിരിക്കുന്നത്. എംബി3 എന്ന് പേരിട്ടിരിക്കുന്ന പുതിയ ഡാറ്റാ സെന്റർ, ഇക്വിനിക്‌സിന്റെ മുംബൈയിലെ ഇത്തരത്തിലുള്ള മൂന്നാമത്തെ സൗകര്യമായിരിക്കും. എംബി3 യുടെ ആദ്യ ഘട്ടം 2024 സാമ്പത്തിക വർഷത്തിന്റെ നാലാം പാദത്തിൽ തുറക്കും. ഈ പദ്ധതിയുടെ ഭൂമി ഇടപാടിനായി ഇക്വിനിക്‌സിന്റെ എക്‌സ്‌ക്ലൂസീവ് റിയൽ എസ്റ്റേറ്റ് ഉപദേശകനായി ജെഎൽഎല്ലാണ് പ്രവർത്തിച്ചത്.

ഈ വർഷം മാർച്ചിൽ, 5.5 ഏക്കറിലധികം സ്ഥലം ഏറ്റെടുത്ത് ഇക്വിനിക്സ് തങ്ങളുടെ പ്രവർത്തനം ചെന്നൈയിലേക്കും വ്യാപിച്ചിരുന്നു. മുംബൈയിലെ ഇക്വിനിക്‌സിന്റെ തുടർച്ചയായ നിക്ഷേപം, ആഗോള-പ്രാദേശിക ഉപഭോക്താക്കളിൽ നിന്നുള്ള കാര്യമായ ഡിമാൻഡ് നിറവേറ്റുന്ന, ഇന്ത്യയിലെ ഡാറ്റാ സെന്റർ പ്ലാറ്റ്‌ഫോമിന്റെ കൂടുതൽ മെച്ചപ്പെടുത്തലിന് സഹായിക്കും. ഇന്ത്യയിലെ നിലവിലുള്ളതും പുതിയതുമായ ഉപഭോക്താക്കൾക്ക് തങ്ങളുടെ  സേവനങ്ങൾ കൂടുതൽ അടുത്ത് എത്തിക്കാൻ പ്രാപ്തമാക്കുന്നതിനായി ഇന്ത്യയിലെ അടിസ്ഥാന സൗകര്യങ്ങൾ നിർമ്മിക്കുന്നതിനുള്ള കൂടുതൽ നിക്ഷേപങ്ങളിൽ തങ്ങൾ ശ്രദ്ധ കേന്ദ്രീകരിക്കുന്നതായി കമ്പനി പറഞ്ഞു.

ആഗോളതലത്തിൽ ഇക്വിനിക്സ് 70 മെട്രോകളിൽ 240-ലധികം ഡാറ്റാ സെന്ററുകൾ പ്രവർത്തിപ്പിക്കുന്നു. കൂടാതെ, കമ്പനി ലോകത്തിലെ 10,000-ത്തിലധികം പ്രമുഖ ബിസിനസുകൾക്ക് ഡിജിറ്റൽ ഇൻഫ്രാസ്ട്രക്ചർ സേവനം വാഗ്ദാനം ചെയ്യുന്നു. ഏഷ്യ-പസഫിക്കിൽ, ഓസ്‌ട്രേലിയ, ചൈന, ഹോങ്കോംഗ്, ഇന്ത്യ, ജപ്പാൻ, കൊറിയ, സിംഗപ്പൂർ എന്നിവിടങ്ങളിലെ പ്രധാന മെട്രോകളിൽ ഇക്വിനിക്‌സിന് 52 ​​ഡാറ്റാ സെന്ററുകളുണ്ട്.

X
Top