വിദേശ നാണ്യ ശേഖരം ഉയര്‍ന്നുയുഎഇയിലേക്കുള്ള കയറ്റുമതി പുതിയ ഉയരത്തിലേക്ക്ഡിജിറ്റല്‍ പണമിടപാടില്‍ ഇന്ത്യന്‍ മുന്നേറ്റംവിദേശ പര്യടനങ്ങളിലെ ക്രെഡിറ്റ് കാര്‍ഡ് ഇടപാട് എല്‍ആര്‍എസ് വഴി, ടിസിഎസ് ബാധകമാക്കുക ലക്ഷ്യംപെന്‍ഷന്‍ പദ്ധതി പരിഷ്‌ക്കരിക്കാന്‍ കേന്ദ്രസര്‍ക്കാര്‍, സമിതി രൂപീകരിക്കും

മാക്‌സ്‌വെൽ എനർജി സിസ്റ്റത്തിന്റെ 51% ഓഹരികൾ സ്വന്തമാക്കി എൻഡുറൻസ് ടെക്

മുംബൈ: മാക്‌സ്‌വെൽ എനർജി സിസ്റ്റംസ് പ്രൈവറ്റ് ലിമിറ്റഡിന്റെ 51 ശതമാനം ഓഹരി 135 കോടി രൂപയ്ക്ക് ഏറ്റെടുത്തതായി വാഹന ഘടക നിർമാതാക്കളായ എൻഡ്യൂറൻസ് ടെക്‌നോളജീസ് ലിമിറ്റഡ് അറിയിച്ചു. മുംബൈ ആസ്ഥാനമായുള്ള മാക്‌സ്‌വെൽ യുഎസ് ആസ്ഥാനമായുള്ള അയോൺ എനർജിയുടെ ഒരു അനുബന്ധ സ്ഥാപനമാണ്. ഈ ഏറ്റെടുക്കലിന്റെ ഫലമായി മാക്‌സ്‌വെൽ എൻഡ്യൂറൻസ് ടെക്‌നോളജീസിന്റെ ഒരു സബ്‌സിഡിയറിയായി മാറി. പ്രൈമറി ഇഷ്യൂവിന്റെയും ദ്വിതീയ വാങ്ങലിന്റെയും സംയോജനത്തിലൂടെയാണ് ഓഹരികൾ ഏറ്റെടുത്തതെന്ന് എൻഡ്യൂറൻസ് ടെക്നോളജീസ് ഫയലിംഗിൽ പറഞ്ഞു. ബാക്കിയുള്ള 49 ശതമാനം ഓഹരികൾ അടുത്ത അഞ്ച് സാമ്പത്തിക വർഷങ്ങളിലായി ഘട്ടം ഘട്ടമായി ഏറ്റെടുക്കുമെന്നും കമ്പനി വ്യക്തമാക്കി.

ഓട്ടോ ഒഇഎമ്മുകൾക്ക് ബിഎംഎസ് വാഗ്ദാനം ചെയ്യുന്നതിനുള്ള ആദ്യകാല പങ്കാളി എന്ന നിലയിൽ ഇവി കേന്ദ്രീകൃത ഉൽപ്പന്ന ശ്രേണിയിലേക്കുള്ള എൻഡ്യൂറൻസിന്റെ കടന്നുകയറ്റത്തിന് ഈ ഏറ്റെടുക്കൽ സഹായകമാകും. ഏറ്റെടുക്കലിന്റെ ആകെ ചെലവ് 135 കോടി രൂപയായിരുന്നെനും, അതിൽ 71.5 കോടി രൂപ 37,007 ഓഹരികളുടെ പ്രാഥമിക ഇഷ്യുവിന് സബ്‌സ്‌ക്രിപ്‌ഷനായും 63.5 കോടി രൂപ 32,866 ഓഹരികൾ ഒരു ഇക്വിറ്റി ഓഹരിക്ക് 19,321 രൂപ നിരക്കിൽ വാങ്ങുന്നതിനുമാണ് എന്ന് കമ്പനി ഫയലിംഗിൽ അറിയിച്ചു. 

X
Top