ഹാഫ് കുക്ക്ഡ് പൊറോട്ടയ്ക്ക് 5% ജിഎസ്ടി മാത്രംആഭ്യന്തര ഫിനിഷ്ഡ് സ്റ്റീല്‍ ഉപഭോഗം 13% വര്‍ധിച്ച് 136 മെട്രിക്ക് ടണ്‍ ആയതായി റിപ്പോർട്ട്കേരളത്തിലെ ഏറ്റവും ഉയരം കൂടിയ ഐടി വ്യവസായ സമുച്ചയം കൊച്ചിയിൽകുതിപ്പിനൊടുവിൽ സ്വർണ്ണവിലയിൽ ഇന്ന് ഇടിവ്രാജ്യത്തെ വൈദ്യുതി ഉപയോഗം കുതിച്ചുയർന്നു

യുപിഐ ക്രെ‍ഡിറ്റിനും ഇനി ‘ഇഎംഐ’ സൗകര്യം ലഭ്യമാകും

ന്യൂഡൽഹി: യുപിഐ വഴി റുപേയ് ക്രെഡിറ്റ് കാർഡ് ഇടപാട് നടത്തുന്നവർക്കും ഇനി ‘ഇഎംഐ’ (പ്രതിമാസ തിരിച്ചടവ്) സൗകര്യം ലഭ്യമാകും. നിലവിൽ ക്രെഡിറ്റ് കാർഡ് വഴി അടയ്ക്കുന്ന തുകകൾ പ്രതിമാസ തവണകളായി മാറ്റാൻ സൗകര്യമുണ്ടെങ്കിലും യുപിഐ വഴിയുള്ള ക്രെഡിറ്റ് ഇടപാടുകൾക്ക് ഇത് സാധ്യമായിരുന്നില്ല.

മേയ് 31നകം സൗകര്യം ലഭ്യമാക്കാൻ നാഷനൽ പേയ്മെന്റ്സ് കോർപറേഷൻ ഓഫ് ഇന്ത്യ (എൻപിസിഐ) യുപിഐ കമ്പനികൾക്ക് നിർദേശം നൽകി. യുപിഐ ക്രെഡിറ്റ്‍ലൈനിലും സൗകര്യം ലഭിക്കും.

കടകളിലെ യുപിഐ ക്യുആർ കോഡ് സ്കാൻ ചെയ്ത്, റുപേയ് ക്രെഡിറ്റ് കാർഡിലെ പണം അടയ്ക്കാനുള്ള സൗകര്യം ആരംഭിച്ചിട്ട് 2 വർഷമായി. ക്രെഡിറ്റ് കാർഡിന്റെയും ക്രെഡിറ്റ്‍ലൈനിന്റെയും പരിധി (ലിമിറ്റ്) ക്രമീകരിക്കാനും യുപിഐ ആപ്പുകളിൽ സംവിധാനമുണ്ടാകും.

വാഷിങ് മെഷീൻ വാങ്ങാൻ നിങ്ങൾ റുപേയ് ക്രെഡിറ്റ് കാർഡുമായി ബന്ധിപ്പിച്ച ഗൂഗിൾ പേ ഉപയോഗിച്ചെന്ന് കരുതുക. 10,500 രൂപയാണ് അടച്ചതെങ്കിൽ ഗൂഗിൾ പേ വഴി തന്നെ ഇത് ഇഎംഐ ആക്കി മാറ്റാം.

ചുരുക്കത്തിൽ 10,500 രൂപ ഒറ്റയടിക്ക് നല്‍കുന്നതിനു പകരം പല തവണകളായിട്ട് കൊടുക്കാം.

X
Top