Alt Image
പൊതുമേഖല ബാങ്ക് സ്വകാര്യവത്ക്കരണത്തിനെതിരെ ആര്‍ബിഐവിന്‍ഡ്ഫാള്‍ ലാഭ നികുതി അവലോകനം: ക്രൂഡ് സെസ് വെട്ടിചുരുക്കി കേന്ദ്രസര്‍ക്കാര്‍, സമ്മിശ്ര പ്രകടനവുമായി ഓഹരികള്‍രാജ്യാന്തര വിപണിയിൽ ക്രൂഡ് വില താഴ്ന്നെങ്കിലും ഇന്ത്യയിൽ ഇന്ധനവില കുറഞ്ഞേക്കില്ലപണപ്പെരുപ്പം എട്ട്‌ മാസത്തിനുള്ളിൽ 5 ശതമാനമാകുംജൂലൈയില്‍ ആഭ്യന്തര വിമാനയാത്ര നടത്തിയത് 97 ലക്ഷത്തിലധികം പേര്‍, ജൂണിനെ അപേക്ഷിച്ച് 7.6% കുറവ്

മെട്രോപോളിസിന്റെ ഓഹരി ഏറ്റെടുക്കൽ; ചർച്ച നടത്തി അദാനി ഗ്രൂപ്പും, അപ്പോളോയും

മുംബൈ: ശതകോടീശ്വരൻ ഗൗതം അദാനിയും, ഇന്ത്യയിലെ ഏറ്റവും വലിയ ഹോസ്പിറ്റൽ ഓപ്പറേറ്റർമാരായ അപ്പോളോ ഹോസ്പിറ്റൽസ് എന്റർപ്രൈസ് ലിമിറ്റഡും മെട്രോപോളിസ് ഹെൽത്ത് കെയർ ലിമിറ്റഡിന്റെ ഭൂരിഭാഗം ഓഹരികളും ഏറ്റെടുക്കുന്നതിനുള്ള ബിഡ്ഡുകൾ വിലയിരുത്തുന്നതായി ഒരു ദേശിയ മാധ്യമം റിപ്പോർട്ട് ചെയ്തു. അദാനിയും അപ്പോളോയും മെട്രോപോളിസുമായുള്ള ഇടപാടിന് കുറഞ്ഞത് 7,765 കോടി രൂപ ചിലവഴിക്കുമെന്ന് ഈ വിഷയത്തിൽ പരിചയമുള്ള രണ്ട് പേരെ ഉദ്ധരിച്ച് മാധ്യമം റിപ്പോർട്ട് ചെയ്തു.

ഇന്ത്യയിലെ ഏറ്റവും വലിയ ബിസിനസ് കമ്പനികളിലൊന്നായ അദാനി ഗ്രൂപ്പ് കഴിഞ്ഞ മാസം ആരോഗ്യമേഖലയിലേക്കുള്ള ചുവടുവെപ്പ് പ്രഖ്യാപിക്കുകയും, ഇതിനായി അദാനി ഹെൽത്ത് വെഞ്ചേഴ്‌സ് (എഎച്ച്‌വിഎൽ) എന്ന പൂർണ ഉടമസ്ഥതയിലുള്ള സബ്‌സിഡിയറി സംയോജിപ്പിച്ചതായി അറിയിക്കുകയും ചെയ്തിരുന്നു. ആരോഗ്യ മേഖലയിൽ ചുവടുറപ്പിക്കാൻ അദാനി ഗ്രൂപ്പ് 4 ബില്യൺ ഡോളർ മാറ്റി വച്ചതായും റിപ്പോർട്ടുകളുണ്ട്. കഴിഞ്ഞ 8 വർഷത്തിനുള്ളിൽ, ഊർജ്ജം, ഹരിത ഊർജം, അടിസ്ഥാന സൗകര്യങ്ങൾ, വിമാനത്താവളങ്ങൾ, ഭക്ഷ്യ സംസ്കരണം എന്നിവ ഉൾപ്പെടെ വിവിധ മേഖലകളിലായി 30 വ്യത്യസ്ത സ്ഥാപനങ്ങളെ അദാനി ഗ്രൂപ്പ് ഏറ്റെടുത്തിരുന്നു.

1980-കളിൽ ഒരു ലാബുമായി പ്രവർത്തനം ആരംഭിച്ച മെട്രോപോളിസ് ഹെൽത്ത്‌കെയർ ലിമിറ്റഡ്, നിലവിൽ രാജ്യത്തുടനീളമുള്ള 19 സംസ്ഥാനങ്ങളിൽ ഡയഗ്നോസ്റ്റിക് ചെയിൻ പ്രവർത്തിപ്പിക്കുന്നു.

X
Top