ജമ്മു & കശ്മീരിലെ ലിഥിയം ഖനനത്തിനുള്ള ലേലത്തിൽ ഒരു കമ്പനി പോലും പങ്കെടുത്തില്ലരാജ്യത്തെ 83 ശതമാനം യുവാക്കളും തൊഴില് രഹിതരെന്ന് റിപ്പോര്ട്ട്ഇന്ത്യയുടെ കറന്റ് അക്കൗണ്ട് കമ്മി കുറയുന്നുവെനസ്വേലയിൽ നിന്ന് ക്രൂഡ് ഓയിൽ വാങ്ങുന്നത് നിർത്തി ഇന്ത്യകിൻഫ്ര പെട്രോകെമിക്കൽ പാർക്കിൽ ഇതുവരെ 227.77 കോടിയുടെ നിക്ഷേപം

ബജാജ് ഓട്ടോയുടെ ഇരുചക്രവാഹന വിൽപ്പനയിൽ 5 ശതമാനം ഇടിവ്

മുംബൈ: 2022 ജൂലൈയിൽ മൊത്തം ഇരുചക്രവാഹന വിൽപ്പനയിൽ 5 ശതമാനം ഇടിവ് രേഖപ്പെടുത്തി ബജാജ് ഓട്ടോ. കഴിഞ്ഞ മാസം ഇരുചക്രവാഹന നിർമ്മാതാവ് വിറ്റഴിച്ചത് 3,15,054 യൂണിറ്റാണ്. അതേസമയം, കമ്പനിയുടെ ആഭ്യന്തര ഇരുചക്രവാഹന വിൽപ്പന 1,56,232 യൂണിറ്റിൽ നിന്ന് 5 ശതമാനം വർധിച്ച് 1,64,384 യൂണിറ്റിലെത്തിയതായി ബജാജ് ഓട്ടോ ഒരു റെഗുലേറ്ററി ഫയലിംഗിൽ പറഞ്ഞു.

കഴിഞ്ഞ വർഷം ജൂലൈയിൽ ആഭ്യന്തര, അന്താരാഷ്‌ട്ര വിപണികളിൽ വിറ്റ 38,547 യൂണിറ്റുകളെക്കാൾ വാണിജ്യ വാഹനങ്ങളുടെ (സിവി) വിൽപ്പന 3 ശതമാനം ഉയർന്ന് 39,616 യൂണിറ്റുകളായപ്പോൾ 2021 ജൂലൈയിലെ 3,69,116 യൂണിറ്റുകളെ അപേക്ഷിച്ച് കഴിഞ്ഞ മാസത്തെ കമ്പനിയുടെ മൊത്തം വിൽപ്പന 4 ശതമാനം ഇടിഞ്ഞ് 3,54,670 യൂണിറ്റുകളായി.

അതേപോലെ, 2022 ജൂലൈയിലെ വാഹന കയറ്റുമതി 15 ശതമാനം ഇടിഞ്ഞ് 1,71,714 യൂണിറ്റായി കുറഞ്ഞു. തിങ്കളാഴ്ച ബജാജ് ഓട്ടോയുടെ ഓഹരികൾ 1.50 ശതമാനത്തിന്റെ നേട്ടത്തിൽ 3,973.30 രൂപയിലാണ് വ്യാപാരം അവസാനിപ്പിച്ചത്.

X
Top