കേന്ദ്ര ബജറ്റിൽ ധനമന്ത്രി നികുതി ഇളവ് പരിഗണിച്ചേക്കുമെന്ന് റിപ്പോർട്ട്ഇന്ത്യ മൂന്നാമത്തെ വലിയ ആഭ്യന്തര എയര്‍ലൈന്‍ വിപണിബജറ്റിൽ ഇടത്തരക്കാർക്ക് ആശ്വാസത്തിൻ്റെ സൂചനകൾകൊല്ലം തീരത്തെ ഇന്ധന പര്യവേക്ഷണം ഡ്രില്ലിങ് ഘട്ടത്തിലേക്ക്വ​ധ​വ​നി​ൽ പുതിയ തുറമുഖത്തിന് കേന്ദ്രമന്ത്രിസഭയുടെ അംഗീകാരം

എവിറ്റി നാച്വറല്‍സിന് 14.3 കോടി രൂപ ലാഭം

കേരളം ആസ്ഥാനമായ പ്ലാന്റ് എക്‌സ്ട്രാക്ട്- പ്രകൃതിദത്ത ഭക്ഷ്യ ചേരുവ ഉത്പാദക കമ്പനിയായ എ.വി.റ്റി നാച്വറല്‍ പ്രോഡക്ട് ലിമിറ്റഡ് കഴിഞ്ഞ സാമ്പത്തിക വര്‍ഷത്തെ (2022-23) അവസാന പാദമായ ജനുവരി-മാര്‍ച്ചില്‍ 14.14 കോടി രൂപയുടെ ലാഭം രേഖപ്പെടുത്തി.

മുന്‍ വര്‍ഷത്തെ സമാനപാദത്തിലെ 16.86 കോടി രൂപയില്‍ നിന്ന് 16 ശതമാനം കുറഞ്ഞു. ഇക്കാലയളവില്‍ വരുമാനം 133.95 കോടി രൂപയില്‍ നിന്ന് 133.69 കോടി രൂപയായി.

സാമ്പത്തിക വര്‍ഷത്തെ മൊത്ത വരുമാനം 684.61 കോടി രൂപയാണ്. 2021-22 ലെ 669.68 കോടി രൂപയേക്കാള്‍ രണ്ട് ശതമാനം ഉയര്‍ന്നു. കഴിഞ്ഞ വര്‍ഷം കമ്പനി 77.39 കോടി രൂപയയുടെ ലാഭവും രേഖപ്പെടുത്തി. 2021-22ല്‍ 72.86 കോടി ലാഭമായിരുന്നു കമ്പനി രേഖപ്പെടുത്തിയിരുന്നത്.

ഒരു രൂപ മുഖവിലയുള്ള ഓഹരിക്ക് 60 പൈസ വീതം ലാഭവിഹിതത്തിനും കമ്പനി ഡയറക്ടര്‍ ബോര്‍ഡ് ശുപാര്‍ശ ചെയ്തു.

X
Top