മുംബൈ: വാണിജ്യ വാഹന (സിവി) വിഭാഗത്തിൽ ഇടത്തരം ശ്രേണിയിലുള്ള ഇലക്ട്രിക് ട്രക്കുകൾ പുറത്തിറക്കാൻ കമ്പനി പദ്ധതിയിടുന്നതായി വാണിജ്യ വാഹന നിർമ്മാതാക്കളായ അശോക് ലെയ്‌ലാൻഡ് അറിയിച്ചു. ഇത് 2025 ഓടെ പുറത്തിറക്കാനാണ് കമ്പനി ഉദ്ദേശിക്കുന്നത്.
ചില സംസ്ഥാനങ്ങളിൽ ഇതിനകം തന്നെ കമ്പനിയുടെ ഇലക്ട്രിക് ബസുകൾ ഓടുന്നുണ്ടെന്നും, ദോസ്തിന്റെ (ലൈറ്റ് കൊമേഴ്‌സ്യൽ വെഹിക്കിൾ) ഇലക്ട്രിക് പതിപ്പ് നാലാം പാദത്തിൽ പുറത്തിറക്കാൻ സാധ്യതയുണ്ടെന്നും ഒരു ഉന്നത കമ്പനി ഉദ്യോഗസ്ഥൻ പറഞ്ഞു. ഇലക്ട്രിക്കിന് പുറമെ കമ്പനി അതിന്റെ സിവികൾക്കായി മറ്റ് ഇതര ഇന്ധന ഓപ്ഷനുകൾ അവതരിപ്പിക്കാൻ പ്രവർത്തിക്കുകയാണെന്ന് അദ്ദേഹം കൂട്ടിച്ചേർത്തു.
ഇവി ബിസിനസിൽ നിന്നുള്ള കമ്പനിയുടെ കഴിഞ്ഞ പാദത്തിലെ ലാഭം 96 കോടി രൂപയായിരുന്നു. ഈ കാലയളവിൽ കമ്പനി 7,561 യൂണിറ്റ് എം&എച്ച്സിവികളാണ് വിറ്റഴിച്ചത്. ഒരു ഇന്ത്യൻ മൾട്ടിനാഷണൽ ഓട്ടോമോട്ടീവ് നിർമ്മാതാവാണ് അശോക് ലെയ്‌ലാൻഡ്. ഇത് ഇന്ത്യയിലെ രണ്ടാമത്തെ വലിയ വാണിജ്യ വാഹന നിർമ്മാതാക്കളാണ്.
