ഇന്ത്യയുടെ വളര്‍ച്ചാ അനുമാനം നിലനിര്‍ത്തി എസ്ആന്റ്പി റേറ്റിംഗ്‌സ്ജൂണ്‍ പാദ ബാങ്ക്‌ വായ്പാ വളര്‍ച്ച 14 ശതമാനമായി ഉയര്‍ന്നുവീണ്ടും റെക്കോര്‍ഡ് താഴ്ച, ഡോളറിനെതിരെ 81.55 ല്‍ രൂപഉത്സവ സീസണിലെ വൈദ്യുതി ഉത്പാദനം: കല്‍ക്കരി ശേഖരം മതിയായ തോതിലെന്ന് സര്‍ക്കാര്‍വിദേശനാണ്യ കരുതൽ ശേഖരം രണ്ട് വർഷത്തെ ഏറ്റവും താഴ്ന്ന നിലയിൽ

1400 ബസുകൾക്കുള്ള മെഗാ ഓർഡർ സ്വന്തമാക്കി അശോക് ലെയ്‌ലാൻഡ്

മുംബൈ: 1,400 സ്കൂൾ ബസുകൾക്കായി യുഎഇയിലെ പ്രമുഖ സ്ഥാപനങ്ങളിൽ നിന്ന് കമ്പനി ഓർഡറുകൾ നേടിയതായി അറിയിച്ച് അശോക് ലെയ്‌ലാൻഡ്. ഓർഡർ ലഭിച്ച വാർത്തയ്ക്ക് പിന്നാലെ കമ്പനിയുടെ ഓഹരികൾ 3.08 ശതമാനത്തിന്റെ മുന്നേറ്റം നടത്തി 158.75 രൂപയിലെത്തി.

ഓർഡർ പ്രകാരം 55 സീറ്റുകളുള്ള ഫാൽക്കൺ ബസുകളും 32 സീറ്റുകളുള്ള ഓസ്റ്റർ ബസുകളും അശോക് ലെയ്‌ലാൻഡിന്റെ യുഎഇയിലെ റാസൽ ഖൈമയിലെ നിർമ്മാണ കേന്ദ്രത്തിൽ നിന്ന് വിതരണം ചെയ്യും. ഇത് ജിസിസിയിലെ ഏക സർട്ടിഫൈഡ് ലോക്കൽ ബസ് നിർമ്മാണ കേന്ദ്രമാണ്.

അശോക് ലെയ്‌ലാൻഡിന്റെയും യുഎഇയിലെ റാസൽ ഖൈമ ഇൻവെസ്റ്റ്‌മെന്റ് അതോറിറ്റിയുടെയും (RAKIA) സംയുക്ത സംരംഭമാണ് റാസൽ ഖൈമ പ്ലാന്റ്, കൂടാതെ ഇതിന് പ്രതിവർഷം 4,000 ബസുകൾ നിർമ്മിക്കാനുള്ള ശേഷിയുമുണ്ട്. ജിസിസി നിർമ്മിത ബസുകളുടെ മൊത്തം ഇടപാട് അശോക് ലെയ്‌ലാൻഡിന്റെ യുഎഇ വിതരണ പങ്കാളികളായ സ്വൈദാൻ ട്രേഡിംഗ് – അൽ നബൂദ ഗ്രൂപ്പാണ് ഏറ്റെടുത്തിരിക്കുന്നത്.

ഹിന്ദുജ ഗ്രൂപ്പിന്റെ മുൻനിര കമ്പനിയായ അശോക് ലെയ്‌ലാൻഡ് ഇന്ത്യയിലെ ഏറ്റവും വലിയ വാണിജ്യ വാഹന നിർമ്മാതാക്കളിൽ ഒന്നാണ്. കൂടാതെ ആഗോളതലത്തിൽ ബസുകളുടെയും ട്രക്കുകളുടെയും ഏറ്റവും വലിയ നിർമ്മാതാക്കളിൽ ഒരാളാണ് കമ്പനി. കഴിഞ്ഞ ഒന്നാം പാദത്തിൽ കമ്പനി 68 കോടി രൂപയുടെ അറ്റാദായം നേടി.

X
Top