മുംബൈ: പിഡിലൈറ്റ് ഇൻഡസ്ട്രീസുമായി പങ്കാളിത്തം പ്രഖ്യാപിച്ച് വെഞ്ച്വർ ക്യാപിറ്റൽ ഫണ്ടായ 100X.VC. ഇതിലൂടെ പിഡിലൈറ്റ് ഇൻഡസ്ട്രീസിന്റെ വെഞ്ചർ ക്യാപിറ്റൽ വിഭാഗമായ പിഡിലൈറ്റ് വെഞ്ചേഴ്സുമായി വിസി ഫണ്ട് ചേർന്ന് പ്രവർത്തിക്കും.
പങ്കാളിത്തത്തിന് കീഴിൽ 100X.VC അവർക്കുള്ള തന്ത്രപ്രധാനമായ നിക്ഷേപ അവസരങ്ങൾ തിരിച്ചറിയുന്നതിനായി പിഡിലൈറ്റ് വെഞ്ചേഴ്സുമായി സഹകരിക്കും. പിഡിലൈറ്റിന്റെ പ്രധാനവും സമീപമുള്ളതുമായ ബിസിനസ്സുകളുമായി സമന്വയമുള്ള നൂതന ബിസിനസ്സുകളെ ഉപദേശിക്കുകയും നയിക്കുകയും ചെയ്യുക എന്നതാണ് പിഡിലൈറ്റ് വെഞ്ചേഴ്സിന്റെ ലക്ഷ്യം.
100X.VC-യുമായി പങ്കാളികളാകുന്നതിൽ തങ്ങൾ സന്തുഷ്ടരാണെന്ന് പിഡിലൈറ്റ് ഇൻഡസ്ട്രീസ് പറഞ്ഞു. ഇന്ത്യയിലെ മുൻനിര പശ നിർമ്മാണ കമ്പനിയാണ് പിഡിലൈറ്റ് ഇൻഡസ്ട്രീസ് ലിമിറ്റഡ്. ആർട്ട് മെറ്റീരിയലുകളും സ്റ്റേഷനറികളും പോലെയുള്ള വിവിധ വിഭാഗങ്ങളിൽ പിഡിലൈറ്റ് ഉൽപ്പന്നങ്ങൾ നിർമ്മിക്കുന്നു.
അതേസമയം വൻകിട കോർപ്പറേഷനുകളെ ഗവേഷണത്തിലേക്കും നവീകരണത്തിലേക്കും പ്രവേശനം നേടാൻ സഹായിക്കുന്നതിന് കാറ്റഗറി നിർവചിക്കുന്ന സ്റ്റാർട്ടപ്പുകൾക്കായി മൾട്ടി-സ്റ്റേജ് നിക്ഷേപ തീസിസ് സഹിതം വെഞ്ച്വർ-ക്യാപിറ്റൽ-ആസ്-എ-സർവീസ് (VaaS) വാഗ്ദാനം ചെയ്യുന്ന സ്ഥാപനമാണ് 100X.VC.
