ന്യൂഡൽഹി: ഇന്ത്യയുടെ ഡിജിറ്റൽ പേമെന്‍റ് സംവിധാനമായ യൂണിഫൈഡ് പേമെന്‍റ് ഇന്‍റർഫേസസ് (യുപിഐ) വൻ വിജയമെന്ന് ആഗോള പേമെന്‍റ് സേവനദാതാവായ വേൾഡ് ലൈൻ.
2023 ജനുവരി മുതൽ ജൂണ്‍വരെ യുപിഐ വഴി 930 കോടി ഇടപാടുകൾ നടന്നു. 2018 ജനുവരിയിൽ 15.1 കോടിയായിരുന്നു ഇടപാട്.
ഉപഭോക്തൃ-വ്യാപാരി ഇടപാടുകളിൽ 2023 ജൂണിൽ 57.5 ശതമാനമായിരുന്നു യുപിഐ ഇടപാട്.
2022 ജനുവരിയിൽ 40.3 ശതമാനമായിരുന്നു.
മൊബൈൽ അധിഷ്ഠിത ഇടപാടുകൾ വർധിക്കാൻ യുപിഐ കാരണമായെന്നും റിപ്പോർട്ടിൽ പറയുന്നു.
