ഇന്ത്യൻ ഉപഭോക്താക്കൾക്കിടയിൽ സാമ്പത്തിക സൗകര്യങ്ങളിലുള്ള വിശ്വാസം വർധിക്കുന്നുവെന്ന് പഠന റിപ്പോർട്ട്ജിഎസ്‍ടി കൗൺസിൽ യോഗം അടുത്ത ആഴ്ചപെട്രോളിയം ഉത്പന്നങ്ങൾ ജിഎസ്ടിയിൽ ഉൾപ്പെടുത്താൻ സമ്മർദ്ദമേറുന്നുസംഭരണം വൈകിയാൽ ഉള്ളി വില വീണ്ടും ഉയർന്നേക്കുംവിലക്കയറ്റം ഏറ്റവും കൂടിയ സംസ്ഥാനങ്ങളുടെ പട്ടികയിൽ കേരളവും

ആയിരത്തിലധികം ബ്ലിങ്കിറ്റ് റൈഡർമാർ എതിർ കമ്പനികളിൽ ചേർന്നു

സൊമാറ്റോയുടെ ഉടമസ്ഥതയിലുള്ള ബ്ലിങ്കിറ്റിന്റെ ആയിരത്തിലധികം ഡെലിവറി എക്‌സിക്യൂട്ടീവുകൾ പേഔട്ട് ഘടനയിലെ മാറ്റത്തെച്ചൊല്ലി അടുത്തിടെ നടന്ന സമരത്തിന് ശേഷം എതിർ കമ്പനികളിൽ ചേർന്നതായി റിപ്പോർട്ടുകൾ.

ഡെലിവറി എക്‌സിക്യൂട്ടീവുകൾ എതിരാളികളായ സ്വിഗ്ഗി ഇൻസ്‌റ്റാമാർട്ട്, സെപ്‌റ്റോ, ബിഗ് ബാസ്‌ക്കറ്റ് തുടങ്ങിയ ക്വിക്ക് കൊമേഴ്‌സ് ബിസിനസുകളിൽ ചേർന്നതായി വ്യവസായ എക്‌സിക്യൂട്ടീവുകളെ ഉദ്ധരിച്ച് ദി ഇക്കണോമിക് ടൈംസ് റിപ്പോർട്ട് ചെയ്‌തു.

പേഔട്ട് ഘടനയിൽ മാറ്റം വരുത്താനുള്ള തീരുമാനത്തെത്തുടർന്ന്, ഡെലിവറി എക്‌സിക്യൂട്ടീവുകൾ ഒരാഴ്‌ച നീണ്ട സമരണം നടത്തിയതിന് ശേഷം ഈ വികസനം ബ്ലിങ്കിറ്റിന് ഒരു പുതിയ പ്രഹരമായിരിക്കും.

ഒരു യാത്രയ്‌ക്ക് ഏറ്റവും കുറഞ്ഞ പേഔട്ട് 15 രൂപയായി കുറച്ചിരുന്നു, ഇത് ഒരു ഡെലിവറിക്ക് നിശ്ചയിച്ചിരുന്ന 25 രൂപയേക്കാൾ വളരെ കുറവാണ് ഇത്, ഒപ്പം ഒരു യാത്രയ്‌ക്ക് 7 രൂപയുടെ പീക്ക് അവർ ഇൻസെന്റീവും ലഭിച്ചിരുന്നു.

ഡൽഹി-എൻ‌സി‌ആർ ഏരിയയിലെ നിരവധി ബ്ലിങ്കിറ്റ് ഡെലിവറി എക്‌സിക്യൂട്ടീവുകൾ ഈ നീക്കത്തിനെതിരെ പ്രതിഷേധിച്ചിരുന്നു. ഇത് നോയിഡ, ഗ്രേറ്റർ നോയിഡ, ഡൽഹി, ഗുരുഗ്രാം, ഗാസിയാബാദ്, ഫരീദാബാദ് തുടങ്ങിയ പ്രദേശങ്ങളിൽ സേവന തടസ്സത്തിലേക്ക് നയിച്ചു.

പ്രവർത്തനം പുനരാരംഭിച്ചതായി കമ്പനി പറയുമ്പോഴും, ഡെലിവറി എക്‌സിക്യൂട്ടീവുകളുടെ അഭാവം മൂലം ഡൽഹിയിലെയും ഗുരുഗ്രാമിലെയും ഒന്നിലധികം ഡാർക്ക് സ്‌റ്റോറുകൾ പ്രവർത്തിക്കാൻ കഴിയാതെ തുടരുന്നതായി ഇക്കണോമിക് ടൈംസ് റിപ്പോർട്ട് സൂചിപ്പിക്കുന്നു.

ബ്ലിങ്കിറ്റിന് ഡൽഹി എൻസിആറിൽ 200ഓളം ഡാർക്ക് സ്‌റ്റോറുകൾ ഉണ്ടെന്നത് ശ്രദ്ധിക്കേണ്ടതാണ്, കൂടാതെ 2-3 കിലോമീറ്റർ ചുറ്റളവിൽ ഉപഭോക്താക്കൾക്ക് വിതരണം ചെയ്യേണ്ട സാധനങ്ങൾ കൈപ്പറ്റാൻ ഡെലിവറി എക്‌സിക്യൂട്ടീവുകൾ ഈ വെയർഹൗസുകൾ ഉപയോഗിക്കുന്നു.

അതേസമയം, കഴിഞ്ഞയാഴ്‌ച മുതൽ ഇതിനെ നേരിടാൻ ബ്ലിങ്കിറ്റ് പുതിയ ഡെലിവറി എക്‌സിക്യൂട്ടീവുകളെ കൊണ്ടുവരാൻ തുടങ്ങിയിരുന്നു. കുറഞ്ഞ ശമ്പള ഘടന കാരണം മറ്റ് സ്ഥാപനങ്ങളിലേക്ക് മാറാൻ തങ്ങൾ നിർബന്ധിതരായതായി ബ്ലിങ്കിറ്റിനൊപ്പം ജോലി ചെയ്‌തിരുന്ന ചില ഡെലിവറി എക്‌സിക്യൂട്ടീവുകൾ പറഞ്ഞു.

ശമ്പള ഘടനയെക്കുറിച്ചുള്ള തീരുമാനം ബ്ലിങ്കിറ്റ് തിരുത്തുമെന്ന് പ്രതീക്ഷയുണ്ടായിരുന്നു, എന്നാൽ കമ്പനി തീരുമാനവുമായി മുന്നോട്ട് പോകുമെന്നാണ് ഇപ്പോഴത്തെ വിലയിരുത്തൽ.

ഡെലിവറി എക്‌സിക്യൂട്ടീവുകളുടെ പണിമുടക്ക് 100 ബ്ലിങ്കിറ്റ് സ്‌റ്റോറുകൾ താൽക്കാലികമായി അടച്ചുപൂട്ടാൻ കാരണമായിരുന്നു. എന്നിരുന്നാലും, അവ കഴിഞ്ഞയാഴ്‌ച വീണ്ടും തുറന്നു പ്രവർത്തിക്കാൻ തുടങ്ങി.

ഡാർക്ക് സ്‌റ്റോറുകളിലെ സുരക്ഷ നിലനിർത്താൻ ഡാർക്ക് സ്‌റ്റോർ മാനേജർമാരോട് അടച്ചുപൂട്ടാൻ ആവശ്യപ്പെടുകയായിരുന്നു എന്നാണ് ഒരു കമ്പനി എക്‌സിക്യൂട്ടീവ് എക്കണോമിക് ടൈംസിനോട് പറഞ്ഞത്.

X
Top