പത്തനംതിട്ട: ഉത്കര്ഷ് സ്മോള് ഫിനാന്സ് ബാങ്ക് ലിമിറ്റഡ് (ഉത്കര്ഷ് എസ്എഫ്ബിഎല്) കേരളത്തില് സാനിധ്യം വിപുലീകരിച്ചു.
പത്തനംതിട്ടയില് പുതിയ ഔട്ട്ലൈറ്റ് ഉദ്ഘാടനം ചെയ്തതോടെ കേരളത്തില് ഉത്കര്ഷ് സ്മോള് ഫിനാന്സ് ബാങ്ക് ലിമിറ്റഡിന്റെ ആകെ ബാങ്കിങ് ഔട്ട്ലെറ്റുകളുടെ എണ്ണം അഞ്ചായി ഉയര്ന്നു.
രാജ്യത്തുടനീളം 933 ബാങ്കിങ് ഔട്ട്ലെറ്റുകളാണ് ഉത്കര്ഷ് എസ്എഫ്ബിഎലിനുള്ളത്. ഞങ്ങളുടെ ബാങ്കിങ് ശൃംഖല കേരളത്തില് വ്യാപിപ്പിക്കുന്നതില് ഏറെ സന്തുഷ്ടരാണെന്ന് വിപുലീകരണത്തെക്കുറിച്ച് സംസാരിച്ച ഉത്കര്ഷ് സ്മോള് ഫിനാന്സ് ബാങ്ക് ലിമിറ്റഡിന്റെ എംഡിയും സിഇഒയുമായ ഗോവിന്ദ് സിങ് പറഞ്ഞു.
ഈ മേഖലയില് ഞങ്ങളുടെ സാനിധ്യം വര്ധിപ്പിക്കുന്നതിനുള്ള ബാങ്കിന്റെ പ്രതിബദ്ധതയെ അടിവരയിടുന്നതാണ് ഈ വിപുലീകരണമെന്നും അദ്ദേഹം പറഞ്ഞു.
സേവിങ്സ്, കറന്റ് അക്കൗണ്ടുകള്, ഫിക്സഡ് ഡിപ്പോസിറ്റുകള്, റിക്കറിങ് ഡെപ്പോസിറ്റ് എന്നിവ ഉള്പ്പെടുന്ന സാമ്പത്തിക ഉല്പന്നങ്ങളുടെയും സേവനങ്ങളുടെയും ഒരു നിര തന്നെ ഉപഭോക്താക്കള്ക്ക് ബാങ്കിലൂടെ ലഭിക്കും.
ഉപഭോക്താക്കളുടെ അഭിലാഷങ്ങള് നിറവേറ്റുന്നതിനായി, ഭവന വായ്പകള്, ബിസിനസ് ലോണുകള്, വസ്തുവിന് മേലുള്ള വായ്പകള് എന്നിങ്ങനെ വിവിധ വായ്പാ ഉല്പ്പന്നങ്ങളും ബാങ്ക് വാഗ്ദാനം ചെയ്യുന്നു.
ഇതുകൂടാതെ, ഇന്റര്നെറ്റ് ബാങ്കിങ്, മൊബൈല് ബാങ്കിങ്, യൂണിഫൈഡ് പേയ്മെന്റ് ഇന്റര്ഫേസ് (യുപിഐ), കോള് സെന്റര് എന്നിങ്ങനെ ഒന്നിലധികം മാര്ഗങ്ങളും ബാങ്ക് വാഗ്ദാനം ചെയ്യുന്നുണ്ട്.
